Լրահոս
Օրվա լրահոսը

Հայտնի են նետաձգության Հայաստանի առաջնության չեմպիոնները

Փետրվար 26,2017 21:55

Երեւանի Շենգավիթի համալիր մարզաձեւերի մանկապատանեկան մարզադպրոցում ավարտվեց ծածկած տարածքում նետաձգության Հայաստանի առաջնությունը:

Ընդհանուր առմամբ` մասնակցեց 77 մարզիկ: Նրանք մրեցին 18 մետր  մրցատարածությունում: Հայաստանի չեմպիոն ու մրցանակակիր դարձան:

Տղամարդիկ. Վիգեն Սմբատյան, Հրաչիկ Վարդանյան, Վասիլ Շահնազարյան:

Կանայք. Հայկուհի Վարդանյան, Իրինա Գրիգորյան, 3. Մերի Խաչատրյան:

Հավաքականի գլխավոր մարզիչ Բորիս Վասիլյանը ՀԱՕԿ լրատվականին տեղեկացրեց, որ հանրապետությունում նետաձգությամբ զբաղվողների թիվը տարեցտարի ավելանում է: «Եթե նախորդ առաջնությանը մասնակցում էր 55 նետաձիգ, այս տարի կրակագիծ է ելել 77-ը, ինչը մարզաձեւի տարածման ուղղությամբ ֆեդերացիայի կատարած աշխատանքի արդյունք է: Անցած տարի Շենգավիթ համայնքում բացվեց ֆեդերացիայի ակումբը, խմբակներ են բացվել թիվ 104 եւ 194 հանրակրթական դպրոցում, իսկ Մխիթար Սեբաստացի կրթահամալիրում մարզվողների թիվն արդեն հատել է 80-ի սահմանը: Ուրախալի է, որ նշածս դպրոցների սաները նույնպես մասնակցեցին այս առաջնությանը: Մտադիր ենք նետաձգությունը զարգացնել նաեւ Գյումրիում, Վանաձորում, Արտաշատում, Էջմիածնում, մյուս մարզերում, որտեղ հնարավոր է: Տարիների երազանքն աստիճանաբար իրականանում է, բայց դրան զուգահեռ արդեն գույքի պակասություն է զգացվում: Ֆեդերացիան ու Սպորտի եւ երիտասարդության հարցերի նախարարության ղեկավարությունը տեղեկացված են այդ մասին եւ մտածում են հարցը կարգավորելու ճանապարհների մասին», – տեղեկացրեց Բորիս Վասիլյանը:

Մարզիչը դեռ չի խոսում նորեկների որակի մասին՝ դեռ ժամանակ է հարկավոր: Բայց նշում է, որ անցած տարի տղաների հավաքականը Եվրոպայի գավաթում զբաղեցրել է թիմային 3-րդ տեղը: Նա կարեւորում է նաեւ, որ շատացել են նետաձգությամբ զբաղվող աղջիկները:

Մրցաշրջան 2017-ը նետաձիգների համար հագեցած է միջազգային մրցումներով: ՀՆՖ-ի՝ հետաձգված, մարտ ամսին՝ Հայաստանի եւ ֆեդերացիայի բացօթյա առաջնություններից հետո կորոշվի հավաքականի կազմը, որը ապրիլին Հունաստանում կմասնակցի Եվրոպայի պատանիների եւ երիտասարդների առաջնությանը: Դրան հաջորդելու են մեծահասակների Եվրոպայի գավաթը՝ Լեհաստանում, Աշխարհի գավաթը՝ Թուրքիայում: Ֆեդերացիան այսօրվանից մտածում է Արգենտինայում կայանալիք աշխարհի երիտասարդական առաջնությանն անպայման մասնակցելու մասին, որը 2018 թվականի պատանեկան ամառային օլիմպիադայի վարկանիշային մրցաշար է:

Աշոտ ՀԱԿՈԲՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Փետրվար 2017
Երկ Երե Չոր Հնգ Ուրբ Շաբ Կիր
« Հուն   Մար »
 12345
6789101112
13141516171819
20212223242526
2728