Լրահոս
Օրվա լրահոսը

Լեւոն Զուրաբյան. Ի՞նչ է անում Վիգեն Սարգսյանը հիմա`ՀՀԿ-ի ցուցակում (Տեսանյութ)

Փետրվար 27,2017 16:23

Պաշտպանության նախկին նախարար Սեյրան Օհանյանն օրերս խոսելով ԼՂՀ խնդրի մասին, կողմ արտահայտվեց հարցի փոխզիջումային տարբերակին: Սեյրան Օհանյանի հայտարարությունը, մանավանդ վերջին օրերին ադրբեջանական կողմի ոտնձգությունների ֆոնին, սոցիալական ցանցերում բավական քննարկվեց եւ քննադատվեց: Aravot.am-ը ՀԱԿ խմբակցության ղեկավար Լեւոն Զուրաբյանից հետաքրքրվեց`այս համատեքստում համագործակցության եզր տեսնո՞ւմ են «Օհանյան-Րաֆֆի-Օսկանյան» դաշինքի հետ:

Հիշեցնենք, որ ՀԱԿ-ն ի սկզբանե փոխզիջումների կողմնակից է եղել: «Չեմ կարծում, որ որևէ լուրջ, տրամաբանող մարդ կարող է չհասկանալ խաղաղության անհրաժեշտությունը, և որ խաղաղությունը կարող լինել առանց փոխզիջումների: Խաղաղության ամբողջ էությունը փոխզիջումներ են, բնական է, որ նման դիրքորոշումը մենք կարող ենք միայն ողջունել»,- ասաց նա:

Պատասխանելով լրագրողների այն դիտարկումներին, որ եթե Ադրբեջանը խախտում է զինադադարի համաձայնագիրը, ապա կարող է խախտել նաև խաղաղության պայմանագիրը. Լեւոն Զուրաբյանն ասաց`դրանք տարբեր բաներ են. խաղաղության պայմանագիրն այլ կարգավիճակ է:

Ի դեպ, Լեւոն Զուրաբյանը բավական վտանգավոր է համարում այն, որ պայթյունավտանգ այս իրավիճակում, երբ Ադրբեջանը ցանկացած պահի կարող է գնալ նոր արկածախնդրությունների, պաշտպանության նախարարը ղեկավարում է ՀՀԿ-ի նախընտրական ցուցակը:

Մանրամասները` տեսանյութում:

 Նելլի ԳՐԻԳՈՐՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Փետրվար 2017
Երկ Երե Չոր Հնգ Ուրբ Շաբ Կիր
« Հուն   Մար »
 12345
6789101112
13141516171819
20212223242526
2728