Լրահոս
Օրվա լրահոսը

ՔԿՀ-ներում կասկածելի գնումների գործով հերթական դատական նիստն էր նշանակված

Փետրվար 28,2017 12:15

2017 թ. փետրվարի 27-ին ՀՀ Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանում կայացավ քրեակատարողական հիմնարկներում կասկածելի գնումների վերաբերյալ ՀՀ Քննչական կոմիտեի ՀԿԳ քննիչ Հ․ Չալաբյանի 2016 թ․ հոկտեմբերի 24-ի որոշման դեմ ՀՔԱ Վանաձորի գրասենյակի բողոքի քննությունը։

Հիշեցնենք՝ ՀՀ ԱՆ քրեակատարողական հիմնարկներում և մարմիններում հասարակական վերահսկողություն իրականացնող դիտորդական խմբի pmg.am կայքէջում «Կոռուպցիոն ռիսկերը և դրսևորումները քրեակատարողական հիմնարկներում» վերնագրով հրապարակման հիման վրա ՀՔԱ Վանաձորի գրասենյակը 2016 թ. սեպտեմբերի 28-ին հանցագործության մասին հաղորդում է ներկայացրել: Քննչական մարմինը, սակայն, քրեական գործ հարուցելը մերժելու մասին որոշում է կայացրել: Դատական նիստի ընթացքում ՀՔԱ Վանաձորի գրասենյակի ներկայացուցիչ, Կազմակերպության փաստաբան Անի Չատինյանը խնդրեց տրամադրել գործի նյութերի պատճենները, և դրանց ծանոթանալու հնարավորություն տալու նպատակով դատական նիստը հետաձգվեց:

Հաջորդ դատական նիստը նշանակված է 2017 թ. մարտի 23-ին՝ ժամը 11:00-ին:

 

Հելսինկյան Քաղաքացիական Ասամբլեայի Վանաձորի գրասենյակ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Փետրվար 2017
Երկ Երե Չոր Հնգ Ուրբ Շաբ Կիր
« Հուն   Մար »
 12345
6789101112
13141516171819
20212223242526
2728