Լրահոս
Օրվա լրահոսը

«Որոշ պսեւդո-գործիչներ տգեղ գնահատականներ են տալիս ԲՀԿ-ի որոշ քվեարկությունների». Մելքումյան

Փետրվար 28,2017 13:18

«Որոշ պսեւդո-գործիչներ, որոշ անձինք որոշակի տգեղ գնահատականներ են տալիս ԲՀԿ-ի որոշ քվեարկությունների ՝ կապված կուտակային կենսաթոշակային համակարգի հետ: Այդ տգետների համար ուզում եմ, որ ականջներով լսեն եւ հասկանան ինչի մասին է խոսքը»,- Կուտակային կենսաթոշակների մասին ՀՀ օրենքում փոփոխություններ եւ լրացումներ կատարելու մասին նախագծի քննարկման ժամանակ ասաց ԲՀԿ պատգամավոր Միքայել Մելքումյանը:

Նա ասաց. «Մենք կողմ ենք քվեարկել՝ բացառությամբ պարտադիր կուտակային վճարներին, մենք կողմ ենք քվեարկել կամավոր ինստիտուտին, կամավոր բաղադրիչին»:

Միքայել Մելքումյանը հիշեցրեց, որ 2013-ին ԲՀԿ-ն ակտիվորեն մասնակցել է Սահմանադրական դատարան դիմելու գործընթացին. «Հենց Սահմանադրական դատարանում ներկայացվել են մեր բոլոր մտահոգությունները եւ հարցադրումները, որոնք միտված են եղել նրան, որ այս համակարգի կիրառությունը մենք համարել ենք ժամանակավրեպ»:

Միքայել Մելքումյանը վստահեցրեց, որ իրենք դեմ են եղել, որ այս փուլում սա իրականացվի. «Եթե ինչ-որ մարդիկ ուզում են դիվիդենդներ շահեն, որ նսեմացնեն այն սկզբունքային դիրքորոշումը, որ մեր խմբակցությունն ունեցել է այդ տարիներին, մենք միանշանակ մերժում ենք»:

Ի պատասխան՝ ԿԲ փոխնախագահ Ներսես Երիցյանն ընթերցեց 2010-ի դեկտեմբերի 30-ին հաստատված օրենքի եզրափակիչ դրույթների երկրորդ կետը, որտեղ ասվում է՝ սույն օրենքով պարտադիր կուտակային վճարներ կատարելու դրույթներն ուժի մեջ են մտնում 2014-ի հունվարի 1-ից:

Հռիփսիմե ՋԵԲԵՋՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Փետրվար 2017
Երկ Երե Չոր Հնգ Ուրբ Շաբ Կիր
« Հուն   Մար »
 12345
6789101112
13141516171819
20212223242526
2728