Լրահոս
Օրվա լրահոսը

«Մեր դաշինքի ծրագրերի հիմքում նաեւ Գագիկ Ծառուկյանի կենսափորձն է». Միքայել Մելքումյան

Փետրվար 28,2017 13:29

«Ծառուկյան»  դաշինքն արդեն մշակել է 15 առաջնահերթ քայլեր, որոնք իրականացվելու են անհապաղ, եթե դաշինքն առաջիկա ԱԺ ընտրություններում ստանա ձայների մեծամասնություն եւ ինքնուրույն կազմի կառավարությունը: Այս մասին այսօր «Սպուտնիկ Արմենիա» մամուլի կենտրոնում լրագրողներին հայտնեց դաշինքի թեկնածու, ԱԺ ԲՀԿ-ական պատգամավոր Միքայել Մելքումյանը:

«Մենք դա միայնակ չենք անելու, ապագա կոալիցիայում լինելու են դաշնակիցներ, բայց եթե դաշինքն ունենա ինքնուրույն կառավարություն կազմելու հնարավորություն, մի քանի ամսում մենք իրականացնելու ենք այդ քայլերը»,-նշեց նա:

Մելքումյանը տեղեկացրեց, որ դաշինքի ծրագիրը կներկայացվի քարոզարշավի մեկնարկին. «Պետք է վերադարձնել երկրից հեռացածներին, տալ արժանապատիվ թոշակ, աղքատությունը մեղմացնել, իսկ դրա լուծումը կա»:

«Իսկ եթե խորհրդարանում մեծամասնություն չկազմի՞» հարցին Միքայել Մելքումյանը պատասխանեց. «Այդ ծրագրերի հիմքում գիտական վերլուծությունն է եւ Գագիկ Ծառուկյանի կենսափորձը. «Այն, որ վերջին քսան տարում նա զրոյից հասել է այս երկրում հաջողության: Հիմքում դրված է նաեւ քաղաքական կամքը…Իշխանատենչ չենք, բայց եթե կարողանանք մնալ ոչ իշխանություն՝ երկրորդ ուժ, եւ կետերի մի մասը ստիպենք իրականացնել կառավարությանը, դա կբխի ժողովրդի շահերից»:

Պատգամավորը կանխատեսումներ չարեց, թե խորհրդարանում քանի տոկոս կստանա «Ծառուկյան» դաշինքը. «Գնում ենք հաղթելու»:

Լուիզա ՍՈՒՔԻԱՍՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Փետրվար 2017
Երկ Երե Չոր Հնգ Ուրբ Շաբ Կիր
« Հուն   Մար »
 12345
6789101112
13141516171819
20212223242526
2728