Լրահոս
Օրվա լրահոսը

Վլադիմիր Գասպարյանը ընդգծել է ընտրակաշառքի երևույթի դեմ պայքարի կարևորությունն ու առանձնահատկություններ

Փետրվար 28,2017 19:44

Փետրվարի 28-ին ոստիկանության պետ, ոստիկանության գեներալ-գնդապետ Վլադիմիր Գասպարյանը աշխատանքային խորհրդակցություն անցկացրեց ոստիկանության Լոռու մարզային վարչության ու ենթակա ստորաբաժանումների ղեկավարների մասնակցությամբ:

Խորհրդակցությանը ներկա  էր Լոռու մարզպետ Արթուր Նալբանդյանը:

Վլադիմիր Գասպարյանը դրական գնահատեց անձնակազմի օպերատիվ-ծառայողական գործունեության նախորդ տարվա արդյունքները և հանձնարարեց աշխատանքում առաջնորդվել առավելագույնին ձգտելու սկզբունքով:

Անդրադառնալով համապետական ընտրությունների շրջանում ոստիկանությանն առաջադրված խնդիրներին՝ ոստիկանության պետը կարգադրեց գործնական պարապմունքների ընթացքում լիարժեք տիրապետել ոստիկանների գործողությունների ուղեցույցի դրույթներին, սերտորեն աշխատել քաղաքացու հետ, ամեն ինչ անել բարոյահոգեբանական առողջ մթնոլորտ ապահովելու ուղղությամբ:

Վլադիմիր Գասպարյանը ընդգծեց, մասնավորապես, ընտրակաշառքի երևույթի դեմ պայքարի կարևորությունն ու առանձնահատկությունները:

Ոստիկանության պետն առանձնացրեց նաև ընտրացուցակների հետևողական կատարելագործման խնդիրը:

Ստորաբաժանումների և ծառայությունների աշխատանքի առարկայական վերլուծությունից ու քննարկումից հետո Վլադիմիր Գասպարյանը  կրկին հիշեցրեց ոստիկանի գործունեության գերնպատակի և ոստիկանության հանդեպ հանրային վստահության ամրապնդման կարևորագույն առաքելության մասին.

Խորհրդակցության ավարտին մասնակիցներին տրվեցին կոնկրետ ցուցումներ ու հանձնարարականներ:

ՀՀ ոստիկանություն

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Փետրվար 2017
Երկ Երե Չոր Հնգ Ուրբ Շաբ Կիր
« Հուն   Մար »
 12345
6789101112
13141516171819
20212223242526
2728