Լրահոս
Օրվա լրահոսը

«Որքան էլ փորձեցինք փաստեր հավաքել, դրանց ճակատագիրը մինչև հիմա անհայտ մնաց». Սեդա Սաֆարյան

Մարտ 01,2017 21:07

«Հայոց ցեղասպանության հարցում կիրառվող «այլևս երբեք»-ի խնդիրը կա նաև «Մարտի 1-ի համար»,-այսօր «Հոդված 3» ակումբում «Մարտի 1-ն իրականում» խորագրով քննարկում-հանդիպման ժամանակ ասաց «Ալիք մեդիա» լրատվականի գլխավոր խմբագիր Արսեն Խառատյանը:

Նրա խոսքով, անձնական, համաժողովրդական ողբերգությունից բացի «Մարտի 1-ը» մեր ժողովրդի, կամքի, ազատության, պայքարի օրն է։

«Մարտի 1-ը պետք է լինի ոչ աշխատանքային օր, ազատության համար պայքարի, ոչ թե սգո օր ։ Սգո օրվա պակաս այսօր չունենք, պետք է այս օրը մեր սերունդներին ներկայացնել որպես ազատության համար պայքարի օր՝ աշխատելով տեղի ունեցածի բացահայտման ուղղությամբ»,-ասաց պարոն Խառատյանը:

«Մարտի 1-ի» զոհերից Գոռ Քլոյանի հոր՝ Սարգիս Քլոյանի ու իր ընտանիքի համար «Մարտի 1-ը» սև գարուն է. «Խոստացան, որ կբացահայտեն՝ ո՞վ է սպանել իմ տղային, բայց մինչև հիմա գործը մնում է չբացահայտված»։

«Մարտի 1-ի» գործով «Փաստահավաք խմբի» անդամ, փաստաբան Սեդա Սաֆարյանն էլ նկատեց, որ խումբը մեծ ներուժ ուներ. «Որքան էլ փորձեցինք փաստեր հավաքել, դրանց ճակատագիրը մինչև հիմա անհայտ մնաց, այնուամենայնիվ, որոշակի պատկեր կարողացանք ստեղծել։ Փաստահավաք խումբն ավելին կարող էր անել, սպառված չէր, աշխատելու հնարավորությունը»:

Արփինե ՍԻՄՈՆՅԱՆ

Լուսանկարը` «Հոդված 3» ակումբի ֆեյսբուքյան էջի:

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (1)

Պատասխանել

  1. Հ.Շ. says:

    Չէ, աւելի շուտ, թող լինի՝
    Տարրական-Իրականութիւնից-Անջատուած-Մոլորեալների-Տօն:

    Հայաստանում, այլազան եւ բազմատեսակ պատճառներով՝ փողոցի ուժով – կամ ահաբեկչութեամբ – իշխանութիւն չի փոխուիր: Այլ երկիրներից այդ ուղղութեամբ օրինակ առնելը անիմաստ է:

    Հետեւաբար, այդ անմիտ ուղին քարոզողները իրենց պատասխանատւութեան բաժինը պիտի ստանձնեն, երբ հայ հողի վրայ հայու արիւն թափուի:

Պատասխանել

Օրացույց
Մարտ 2017
Երկ Երե Չոր Հնգ Ուրբ Շաբ Կիր
« Փետ   Ապր »
 12345
6789101112
13141516171819
20212223242526
2728293031