Խորհրդարանական ընտրություններում ՀՅԴ համամասնական ցուցակում Տավուշի մարզից ներկայացված են բազում թեկնածուներ: Այդ ցուցակի 62-րդ տեղում Տավուշի փոխմարզպետ Վարդան Ալեքսանյանն է, ում հաշվառման վայրը ՀՀ կենտրոնական ընտրական հանձնաժողովի ինտերնետային կայքում նշված է Սիսիան քաղաքը: Ցուցակի 63-րդ տեղում «Հայանտառ» ՊՈԱԿ-ի Իջեւանի անտառտնտեսության տնօրեն Սուրեն Մանուկյանն է:
Ցուցակի 80-րդ տեղը զբաղեցնում է Բերդ քաղաքի թիվ 1 հիմնական դպրոցի մանկավարժ, անկուսակցական Մարետա Մանուչարյանը, 86-րդ տեղում Տավուշի մարզի Նորաշեն գյուղի բնակիչ, ՀՀ կառավարությանն առընթեր անշարժ գույքի կադաստրի պետական կոմիտեի աշխատակազմի «Բերդ» սպասարկման գրասենյակի պետ Արայիկ Փայտյանն է:
Ցուցակի 105-րդ տեղում է Դիլիջան քաղաքի բնակիչ, Տավուշի մարզպետարանի առողջապահության եւ սոցիալական ապահովության վարչության պետ Լեւոն Վանցյանը:
171 հոգանոց համամասնական ցուցակի 136-րդ տեղում է Տավուշի մարզի Թեղուտ գյուղի բնակիչ, անկուսակցական Շողիկ Աղաջանյանը, որի աշխատավայրը ԿԸՀ ինտերնետային կայքում գրված է՝ Տավուշի թեմ, սակայն գրված չէ, թե նա այնտեղ ինչ է աշխատում:
Կարդացեք նաև
Ոսկան ՍԱՐԳՍՅԱՆ
Տավուշի մարզի ամենաարժանի, ամենադուխով թեկնածուն Սուրեն Մանուկյանն է։ Քեզ հաջողություն եմ մաղթում…