Լրահոս
Օրվա լրահոսը

Շուրջ երկու շաբաթ գյուղացիները զրկված են եղել խմելու ջրից

Մարտ 03,2017 17:07

Օրեր առաջ Հելսինկյան Քաղաքացիական Ասամբլեայի Վանաձորի գրասենյակ է դիմել Արմավիրի մարզի Մրգաստան գյուղի բնակիչ Սուրեն Մարտիրոսյանը և հայտնել, որ տասն օր շարունակ գյուղի 4-րդ փողոցի բնակիչները զրկված են խմելու ջրից: Խնդրին լուծում տալու նպատակով բնակիչները դիմել են իրավասու մարմիններին, զանգահարել Կառավարության թեժ գծին, սակայն արդյունքը եղել է «Վիոլա ջուր» ընկերության հավաստիացումը միայն, թե խնդիրը կլուծվի, սակայն ընկերությունն այդպես էլ որևէ քայլ չի ձեռնարկել դրա ուղղությամբ:

Քաղաքացու ահազանգի հիման վրա ՀՔԱ Վանաձորի գրասենյակը գրությամբ դիմել է «Հայջրմուղկոյուղի» ՓԲԸ տնօրինությանը՝ խնդրին հնարավորինս սեղմ ժամկետներում լուծում տալու հարցով: Ավելի ուշ ձեռնարկված գործողությունների վերաբերյալ տեղեկատվություն ստանալու նպատակով Կազմակերպության աշխատակցի կատարած հեռախոսազանգին ի պատասխան՝ «Հայջրմուղկոյուղի» ՓԲԸ –ից հայտնել են, որ նման հարցերով զբաղվում է «Վիոլա ջուր» ընկերությունը, որն էլ փորձել է տեղի ունեցածը բացատրել ահազանգողի հասցեի հետ կապված անճշտությամբ: Այնուամենայնիվ հնարավոր է դարձել կապ հաստատել ահազանգող բնակչի և «Վիոլա ջուր» ընկերության աշխատակցի միջև, ինչի արդյունքում Ընկերությունը խնդիրը վերացնելուն ուղղված աշխատանքներ է սկսել: Երեկ արդեն տեղեկացանք, որ ջրամատակարարումը վերականգնվել է: Իսկ դադարեցման պատճառը հնարավոր չեղավ պարզել:

Հելսինկյան Քաղաքացիական Ասամբլեայի Վանաձորի գրասենյակ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Մարտ 2017
Երկ Երե Չոր Հնգ Ուրբ Շաբ Կիր
« Փետ   Ապր »
 12345
6789101112
13141516171819
20212223242526
2728293031