Լրահոս
Օրվա լրահոսը

Կառուցվածքային բարեփոխումներ կլինեն, անգամ եթե այդ բարեփոխումները ժողովրդականություն չվայելեն. ՀՀ վարչապետի հարցազրույցը Reuters-ին

Մարտ 09,2017 17:05

Հայաստանի վարչապետ Կարեն Կարապետյանը հարցազրույց է տվել Reuters գործակալությանը՝ անդրադառնալով երկրում ստեղծված տնտեսական վիճակին., տնտեսության զարգացման հեռանկարներին:

Վարչապետը նշել է, որ երկրի հիվանդ տնտեսությունը կայուն հիմքերի վրա դնելու համար Հայաստանը պատրաստ է ժողովրդականություն չվայելող քայլեր իրագործել, այդ թվում՝ պետական ծախսերի կրճատում և մասնավոր ներդրումների խոչընդոտների վերացում:

Reuters-ը գրում է, որ Հայաստանի տնտեսությունը, որը մեծապես կախված է Ռուսաստանի օգնությունից և ներդրումներից, վերջին երկու տարիներին սեփական մաշկի վրա զգացել է ՌԴ-ի տնտեսական անկման հետևանքները, ինչի պատճառով 2016-ին Հայաստանի տնտեսական աճը 3 տոկոսից դարձել է 0.2 տոկոս:

«Հայաստանում կիրականացվեն կանոնավոր կառուցվածքային բարեփոխումներ, անգամ եթե այդ բարեփոխումները ժողովրդականություն չվայելեն… մենք կկարողանանք այս տարի հասնել 3.2 տոկոս տնտեսական աճի»,-ասել է Կարապետյանը:

Նա նաև նշել է, որ կառավարությունը կկենտրոնանա կոռուպցիայի դեմ պայքարի վրա: Reuters-ը, վկայակոչելով Transparency International միջազգային կազմակերպության զեկույցը, հիշեցնում է, որ 2016 թվականի կոռուպցիայի ընկալման ինդեքսում Հայաստանը հայտնվել է 113-րդ հորիզոնականում՝ 176 երկրների շարքում:

«Հենց որ կարողանանք կայունացնել տնտեսական վիճակը, կկարողանանք նաև կայուն տնտեսական աճ գրանցել 2018թ. սկսած»,-ասել է վարչապետը՝ իրատեսական համարելով այս տարի մինչև 850 միլիոն դոլարի ներդրումները, որոնք հիմնականում կլինեն մասնավոր սեկտորներից:

Պատրաստեց՝ Վիկտորյա ԱՆԴՐԵԱՍՅԱՆԸ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Մարտ 2017
Երկ Երե Չոր Հնգ Ուրբ Շաբ Կիր
« Փետ   Ապր »
 12345
6789101112
13141516171819
20212223242526
2728293031