Լրահոս
Օրվա լրահոսը

Գարնանաշունչ ցուցահանդես` սահմանամերձ Կողբում

Մարտ 10,2017 22:55

Մարտի 10-ին Տավուշի մարզի սահմանամերձ Կողբ գյուղի գեղարվեստի դպրոցում բացվեց Նոյեմբերյան քաղաքից նկարչուհի Ալինա Անանյանի նկարների ցուցահանդեսը, որը կրում էր «Գարնան շունչը» անվանումը:

Սա նկարչուհու աշխատանքների թվով 5-րդ ցուցահանդեսն էր: Այն նվիրված էր կանանց միջազգային տոնին:

Ցուցադրված էին Ա. Անանյանի գրաֆիկական ստեղծագործությունները, բատիկա տեխնիկայով արարված նկարներ, դիմակների հավաքածու, մակրամե գործեր: Այցելուները մեծ հետաքրքրություն ցուցաբերեցին բազմաժանր, բազմաշերտ, կատարողական վարպետության արգասիք ստեղծագործությունների նկատմամբ:

Գեղեցիկ ցուցահանդեսի առթիվ Ա. Անանյանին շնորհավորեցին եւ նրա արվեստը բարձր գնահատեցին Հայաստանի գրողների միության Տավուշի մարզային բաժանմունքի ղեկավար Սամվել Բեգլարյանը, բանաստեղծ, նկարիչ Զավեն Պետրոսյանը, քանդակագործ Արմեն Գոգինյանը, Նոյեմբերյանի «Հեքիաթ» մանկապարտեզի տնօրեն Փառանձեմ Խանգելդյանը, Նոյեմբերյանի հիմնական դպրոցի ուսուցչուհի Արմինե Վարղամյանը եւ ուրիշներ:

Ոսկան ՍԱՐԳՍՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Մարտ 2017
Երկ Երե Չոր Հնգ Ուրբ Շաբ Կիր
« Փետ   Ապր »
 12345
6789101112
13141516171819
20212223242526
2728293031