«Արցախ» հայրենակցական միության ղեկավար, «Փեթակ» տոնավաճառի սեփականատեր Վարուժան Գրիգորյանը վստահեցրեց, որ առաջիկայում միությունն ընդլայնված կազմով որոշում կկայացնի ու դիրքորոշում կհայտնի՝ հայտարարությամբ։ Մինչդեռ նախորդ նախագահական ընտրություններից առաջ Սերժ Սարգսյանին սատարելու համար միությունը Մելիք-Ադամյանի նիստերի մեծ դահլիճում էր համագումար արել եւ հրավիրել էր նաեւ Տարոն Մարգարյանին, պաշտպանության նախարար Սեյրան Օհանյանին։
«Ես իմ անձնական կարծիքով կարող եմ վստահեցնել, որ իմ աջակցությունը Սերժ Սարգսյանինն ու ՀՀԿ-ինն է։ Մենք համագումարի օրակարգ չունենք, բայց չեմ բացառում, որ վարչության նիստ լինի, համագումարի որոշում էլ կայացնենք»։ Վարուժան Գրիգորյանը կարծում է, որ Սերժ Սարգսյանն իր «անցած ճանապարհով» միակ «անձնավորությունն» է, որ կարող է երկիրը զերծ պահել ցնցումներից․ «Իր փորձառությամբ, կենսագրությամբ Արցախի ու Հայաստանի հարցը տանել դեպի ապագա»։
Բայց այս ընտրապայքարում Սերժ Սարգսյանը միակ ղարաբաղցին չէ, պաշտոնաթող նախարար Սեյրան Օհանյանն էլ ընդդիմադիր հայտ է ներկայացրել ու բարձրաձայնում է Արցախի հակամարտության հարցում գործող իշխանությունների թերացումների մասին։ «Արցախ» հայրենակցական միության նախագահն արձագանքեց․ «Քաղաքական գործընթացներն այնպիսի բարդ աշխատանք են, որը որ դեռ չի նշանակում ինչ-որ պաշտոն զբաղեցնել, հետո հանդես գալ իբրեւ փորձառու քաղաքական գործիչ։ Դրանք իրարից շատ տարբեր են»։ Փաստորեն, լուրջ չէ՞ Օհանյանի քաղաքական հայտը։ «Ես ոչ մեկին անլուրջ չեմ համարում, բայց կարծում եմ՝ քաղաքականություն վարել պետության մակարդակով դեռեւս չի նշանակում ինչ-որ տեղ բարձր պաշտոն զբաղեցնելը, դա բավարար չափանիշներ է»։
Լուսինե ՇԱՀՎԵՐԴՅԱՆ
Հոդվածն ամբողջությամբ կարող եք կարդալ «Հրապարակ» թերթի այսօրվա համարում
