Լրահոս
Օրվա լրահոսը

«Այլեւս չենք կարող ավելին չանել, որովհետեւ դատարկվում է Հայաստանը». Հեղինե Բիշարյան. (Տեսանյութ)

Մարտ 14,2017 21:35

«Հայկական վերածնունդ» կուսակցությունը Մալաթիա վարչական շրջանում շատ ակտիվ է, այստեղ ունենք մեր բանակը, մեր կայացած քաղաքական ուժը: Մարտունակ ենք, մրցունակ ենք, գիտենք՝ դժվար համայնք է, պայքարելու ենք ծայրահեղ խնդիրների, կուտակված հարցերը լուծելու համար, որովհետեւ համայնքն ունի բազմաթիվ խնդիրներ»,- այսօր Մալաթիա-Սեբաստիա վարչական շրջանում բնակիչների հետ հանդիպման ժամանակ ասաց կուսակցության փոխնախագահ Հեղինե Բիշարյանը: Նա կուսակցության ցուցակով առաջադրված է հենց այս վարչական շրջանում:

Տիկին Բիշարյանը պատմեց, որ քարոզարշավի շրջանակում շրջել են համայնքներով, խոսել բնակիչների հետ, որոնք բազմաթիվ անարդարությունների են բախվում, խնդիրներ են ունենում նաեւ գերատեսչությունների հետ. «Պատրաստ ենք լինել խողովակը, ինչը արել ենք ու անելու ենք, որ յուրաքանչյուր քաղաքացու ձայնը տեղ հասնի»:

Նա ասաց, որ շատ աշխատանք են արել այս տարիների ընթացքում, բայց ավելին են անելու, որովհետեւ. «Այլեւս չենք կարող ավելին չանել, որովհետեւ դատարկվում է Հայաստանը, գործազուրկ են մեր հայրենակիցները, աղքատ են 300.000-ից ավելի քաղաքացիներ, աղքատության մեջ են 400.000-ից ավելի թոշակառուներ»:

ՀՎԿ առաջնորդ Արթուր Բաղդասարյանն էլ ասաց, որ մշտապես պատկառելի քվեներ են հավաքել, այս ընտրություններին էլ են լուրջ ձայներ հավաքելու:

Արփինե ՍԻՄՈՆՅԱՆ

Մանրամասները՝ տեսանյութում:

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Մարտ 2017
Երկ Երե Չոր Հնգ Ուրբ Շաբ Կիր
« Փետ   Ապր »
 12345
6789101112
13141516171819
20212223242526
2728293031