Լրահոս
Օրվա լրահոսը

Բժշկականի պրոֆեսորն ուսանողներին քարոզարշավի՞ է տանում

Մարտ 16,2017 19:40

Aravot.am-ը ահազանգ էր ստացել, որ Մխիթար Հերացու անվան բժշկական համալսարանի ԹԸՍ ամբիոնի պրոֆեսոր, ԲՀԿ անդամ, Ծառուկյան դաշինքի ցուցակում 20-րդ համարը զբաղեցնող Մարինա Մարգարյանը ուսանողներին ստիպում է մասնակցել քարոզարշավներին:

Aravot.am-ը բժշկական համալսարանի լրատվության պատասխանատու Տաթեւիկ Գրիգորյանից հետաքրքրվեց` արդյոք ռեկտորը տեղյա՞կ է խնդրին եւ այդ ամենն արվում է ռեկտոր Արմեն Մուրադյանի գիտությա՞մբ:

Բժշկական համալսարանի լրատվական ծառայությունից հարցի վերաբերյալ հետեւյալ պատասխանը ստացանք. «Համալսարանի կանոնադրության համաձայն, համալսարանում քաղաքական գործունեություն իրականացնելն արգելվում է:

Հիշյալ պահանջի կատարումն ապահովելու գործում համալսարանի ղեկավարությունն հետևողական է, սակայն եթե Ձեզ հայտնի է դարձել համալսարանի կանոնադրական հիշյալ պահանջի խախտման որևէ փաստացի դեպք, առաջարկում եմ անհապաղ տեղյակ պահել համալսարանին»:

Դժգոհություն արտահայտած ուսանողների անունները, սակայն, իրենց խնդրանքով չենք կարող հրապարակել` ուսանողներին չվնասելու համար:

Գոհար ՀԱԿՈԲՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Մարտ 2017
Երկ Երե Չոր Հնգ Ուրբ Շաբ Կիր
« Փետ   Ապր »
 12345
6789101112
13141516171819
20212223242526
2728293031