Լրահոս
Օրվա լրահոսը

ԵԱՀԿ ԺՀՄԻԳ-ը խորհրդարանական ընտրությունների վերաբերյալ միջանկյալ զեկույց է հրապարակել

Մարտ 17,2017 23:13

ԵԱՀԿ ԺՀՄԻԳ-ը մարտի 17-ին հրապարակել է միջանկյալ զեկույց ապրիլի 2-ին Հայաստանում կայանալիք խորհրդարանական ընտրությունների վերաբերյալ:

Զեկույցում անդրադարձ է կատարվում քաղաքական վիճակին, ընտրական համակարգին, ընտրությունների կազմակերպմանը, ընտրողների գրանցմանը, թեկնածության առաջադրմանը եւ թեկնածուների գրանցմանը, նախընտրական քարոզարշավի միջավայրին եւ նախընտրական քարոզչության ֆինանսավորմանը, ԶԼՄ-ներին, բողոքներին եւ դիմումներին, քաղաքացիական եւ միջազգային դիտորդներին:

«ԵԱՀԿ ԺՀՄԻԳ-ի դիտորդական առաքելության խմբի զրուցակիցներից մեծամասնությունը ընտրակաշառքի բաժանման մասին են հայտնել: Կա նաեւ տարածված ընկալում, որ ճնշումը եւ ահաբեկումը ի հայտ կգան նախընտրական քարոզարշավի ընթացքում՝ ներառյալ վարչական ռեսուրսների չարաշահումը»,- գրված է զեկույցում:

Անդրադառնալով բողոքներին եւ դիմումներին՝ զեկույցում նշված է, որ դիտորդական խմբի զրուցակիցները հայտնել են, որ հասարակական դժկամություն կա ընտրախախտումների մասին հայտնելու նկատմամբ, որի պատճառն է ընտրությունների կազմակերպող, դատական եւ իրավապահ մարմինների նկատմամբ անվստահությունը, որ անաչառ եւ արդյունավետ կկարգավորեն դրանք:

Զեկույցում անդրադարձ է կատարվում նաեւ լրատվամիջոցներին. «Մեդիա միջավայրում գերակշռող են քաղաքական առումով փոխկապակցված լրատվամիջոցները: Ազատ համացանցը նպաստում է քաղաքական բազմակարծությանը եւ քննադատական հրապարակումներին»:

Խորհրդարանական ընտրությունների օրը՝ ապրիլի 2-ին, դիտորդական առաքելությանը միանալու են պատվիրակություններ ԵԱՀԿ խորհրդարանական վեհաժողովից, Եվրոպայի խորհրդի խորհրդարանական վեհաժողովից եւ Եվրախորհրդարանից:

Ամի ՉԻՉԱԿՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Մարտ 2017
Երկ Երե Չոր Հնգ Ուրբ Շաբ Կիր
« Փետ   Ապր »
 12345
6789101112
13141516171819
20212223242526
2728293031