Լրահոս
Օրվա լրահոսը

«Տիգրան Սարգսյանի ասածը հիշո՞ւմ եք…». «Կոնգրես-ՀԺԿ»-ի հավաքը՝ Մարտունիում (Տեսանյութ)

Մարտ 18,2017 21:48

Գեղարքունիքի մարզում «Կոնգրես-ՀԺԿ» դաշինքի նախընտրական հավաքներն այսօր շարունակվեցին Մարտունի քաղաքում, որտեղ եւս անդրադարձ եղավ Արցախյան հակամարտությանը: «Ադրբեջանի եւ ՀՀ իշխանություններին ձեռք է տալիս «ոչ պատերազմ ոչ խաղաղություն» վիճակը, որովհետեւ այդ պայմաններում ժողովուրդը չի ըմբոստանում, այլ արտագաղթում է: Հալումաշ ենք լինում այս վիճակից, քանդվում ենք, իսկ իշխանություններին դա չի հետաքրքրում, նրանք լավ էլ կազմակերպում են արտագաղթը»,-հայտարարեց դաշինքի պատգամավորի թեկնածու, ՀԱԿ փոխնախագահ Արամ Մանուկյանը:

«Տիգրան Սարգսյանի ասածը հիշո՞ւմ եք՝ «մնան, որ հեղափոխություն անե՞ն»…Իշխանություններին պետք է, որ դատարկ Հայաստան լինի: Եթե սրան հակահարված չտանք, թասիբ չունենք»,-նկատեց Մանուկյանը:

Ըստ նրա՝ հայերին Հայաստան բերելու միակ տարբերակն Ադրբեջանի հետ խաղաղության պայմանագրի կնքումն է, որը կերաշխավորի հետեւյալը. «Ղարաբաղը լինելու է Ադրբեջանի կազմից դուրս՝ իրավաբանորեն»:

Հիշեցնենք, որ դաշինքը կողմ է Արցախյան հակամարտության լուծման փոխզիջումային տարբերակին (Մադրիդյան սկզբունքներ):

Լուիզա ՍՈՒՔԻԱՍՅԱՆ

 

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Մարտ 2017
Երկ Երե Չոր Հնգ Ուրբ Շաբ Կիր
« Փետ   Ապր »
 12345
6789101112
13141516171819
20212223242526
2728293031