Լրահոս
Օրվա լրահոսը

Հանձնախումբը որոշել է՝ ե՞րբ եւ որտե՞ղ հողին կհանձնեն «Հաց բերողին»

Մարտ 19,2017 19:24

«Հաց բերող» Արթուր Սարգսյանի հիշատակին նվիրված բողոքի ակցիան այսօր շարունակվում է Ազատության հրապարակում, որտեղ հավաքվել են ցուցարարները: Քաղաքացիական ակտիվիստ, կալանավորված Շանթ Հարությունյանի որդին՝ Շահեն Հարությունյանը լրագրողների հետ զրույցում հիշեցրեց ցուցարարների պահանջներից մեկը՝ «Հաց բերող» Արթուր Սարգսյանին հուղարկավորել «Եռաբլուր» զինվորական պանթեոնում, քանի որ նա ազատամարտիկ էր:

Շահենն անդրադարձավ Վիգեն Սարգսյանի կարծիքին, թե «Եռաբլուրում» հուղարկավորելու հարցը պետք չէ քաղաքականացնել: «Երբ Վազգեն Սարգսյանին սպանեցին հոկտեմբերի 27-ին, նա վարչապետ էր: Ինչո՞ւ է նա հուղարկավորվել «Եռաբլուրում», որովհետեւ զինվորական է եղել: Հիմա Արթուր Սարգսյանը, եթե վարչապետ չի, ուրեմն զինվորական չի՞ եղել: Հետո՞ ինչ, որ թղթի համար իրեն չի կոտորել: Հայրս էլ չունի մարտական գործողություններին մասնակցելու թուղթ, բայց մի հատուկ ջոկատով սահման են պահել»,-նկատեց Շահեն Հարությունյանը:

Ապա հայտարարեց, որ երեկվա բողոքի ցույցի շրջանակում վարչապետի օգնականից այդպես էլ չկարողացան հուղարկավորության հարցի պատասխան ստանալ. «Խաբեցին մեզ եւ դրդեցին ասել, որ ՀՀ քաղաքացին չի հավատում կառավարությանը եւ վարչապետը»:

Հետո ելույթ ունեցավ Արթուր Սարգսյանի հուղարկավորության քաղաքացիական հանձնախմբի անդամ, ակտիվիստ Թամար Հովհաննիսյանը եւ հայտարարեց, որ «Հաց բերողին» հողին չհանձնել չեն կարող, ուստի հանձնախումբը որոշում է կայացրել. «Արթուր Սարգսյանի հոգեհանգիստը տեղի կունենա երեքշաբթի՝ մարտի 21-ին, ժամը 18:00-ին՝  Շահումյանի գերեզմանատանը հարակից սգո սրահում՝ Լուկաշեն 152 հասցեում: Հուղարկավորությունը տեղի կունենա չորեքշաբթի, նույն սրահից՝ 14 00-ին»:

Շահեն Հարությունյանը հայտարարեց, որ դուրս է գալիս հանձնախմբից, քանի որ ցանկանում է, որ Արթուր Սարգսյանին հուղարկավորեն «Եռաբլուրում», բայց հարազատներին էլ պետք է հասկանալ:

Այլ մանրամասները քիչ ուշ:

Լուիզա ՍՈՒՔԻԱՍՅԱՆ

 

 

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Մարտ 2017
Երկ Երե Չոր Հնգ Ուրբ Շաբ Կիր
« Փետ   Ապր »
 12345
6789101112
13141516171819
20212223242526
2728293031