Հանրապետության հրապարակից դեպի Ազատության հրապարակ շարժվող ցուցարարներին եւ Երեւանի փոխոստիկանապետ Վալերի Օսիպյանին չի հաջողվում լեզու գտնել: Օսիպյանը հորդորում է «հաճույքի համար» փողոց չփակել եւ երթեւեկությանը չխոչընդոտել, ցուցարարներն էլ բարկացած են, քանի որ իրենց մի մասին բռնությամբ հեռացրեցին Հանրապետության հրապարակից: Երթի ընթացքում A1plus-ի լրագրող Ռոբերտ Անանյանն ուղիղ եթերում Վալերի Օսիպյանին խնդրեց բացատրել, թե ինչով է պայմանավորված ոստիկանության կողմից ուժի գործադրումը:
«Հարցը տեղին չէ, ոստիկանները բռնություն չեն գործադրել, գործել են օրենքի սահմաններում»,-ասաց Օսիպյանը: Ռոբերտ Անանյանն էլ հակադարձեց՝ ասելով, որ ոստիկաններն, օրինակ, իրենց՝ լրագրողի եւ օպերատորի կոկորդից սեղմել են: «Դուք խոչընդոտում եք մեր գործառույթներին»,-ի պատասխան ասաց Վալերի Օսիպյանը:
Ցուցարարներն «Արթուր» վանկարկելով շարժվում են դեպի Ազատության հրապարակ: Նրանք հայտարարում են, որ վաղը՝ 18 00-ին, կրկին հավաքվելու են Ազատության հրապարակում: Քիչ առաջ ոստիկանները կրկին ուժով տարան գետնին նստած ցուցարարներին:
Լուիզա ՍՈՒՔԻԱՍՅԱՆ
Պայքարի այս ձևը մեր ժողովրդին ոչինչ չի տալու: Պետք է հրաժարվել բախումներ ենթադրող ամեն տեսակի գործողություններից: Հակառակ դեպքում նորից մի քանի ընտիր հայորդիներ հայտնվելու են բանտերում: