Էջմիածնում ՀՅԴ ցուցակով առաջադրված պատգամավորի թեկնածու Անդրանիկ Կարապետյանն այսօր՝ ի՞նչ ծրագրեր ունի, հարցին պատասխանեց՝ իր ծրագրերը գլոբալ են, որոնք վերաբերում են ամբողջ Հայաստանին. «Ուզում եմ, որ մենք ապրենք արդար Հայաստանում, որ մարդիկ արդարության պակաս չունենան, պաշտպանված լինեն օրենքով: Մարդիկ, արդարությունից զրկված, լքում են հայրենիքը, դա է իմ սրտի ցավը»:
Պարոն Կարապետյանը գեներալ Մանվելի որդուն՝ Էջմիածնի քաղաքապետ Կարեն Գրիգորյանին, շատ գրագետ ու ադեկվատ անձնավորություն է համարում, այդ պատճառով նա չի բացառում համագործակցությունը նրա հետ. «Եթե համագործակցելու ցանկություն կա, համենայնդեպս, իմ կողմից լինելու է, ինձ թվում է՝ իր կողմից էլ կլինի»:
Aravot.am-ի դիտարկմանը, թե ՀՅԴ-ին վատ աչքով են նայում, որպես ՀՀԿ-ի կցորդ կուսակցություն, պարոն Կարապետյանը պատասխանեց. «Ընդամենը տեղեկատվության պակաս է մեր հասարակության մեջ, ՀՀԴ-ն բացառիկ դեր ու նշանակություն է ունեցել հայապահպանման գործում: Այսօր էլ մի քիչ ճիշտ խոսանք, ընդդիմություն լինելով՝ ՀՀԴ-ն չի կարող իր ծրագրերն իրագործել, այսօր բոլորը պետք է համախմբվեն մեկ գաղափարի շուրջ, որը կոչվում է արդարություն, այլ ոչ թե վատ բան ման գալ յուրաքանչյուրի արարմունքի ու ասածի մեջ»:
Մեր հարցին, այսինքն՝ չե՞ք բացառում ՀՀԿ-ի հետ համագործակցությունը, պատգամավորի թեկնածուն ասաց. «Ես չեմ կարող պատասխանել այդ հարցին, ժամանակը ցույց կտա»:
Կարդացեք նաև
Արփինե ՍԻՄՈՆՅԱՆ
