Լրահոս
Օրվա լրահոսը

Դենիս Սարգսյան. «Սպառնալիքներից չենք վախենում. Red Eagles-ը շարունակելու է ոգեւորել Ազգային հավաքականին»

Մարտ 21,2017 18:18

«Եթե չես ուզում քեզ ու քո ընտանիքին վարի տանք, մարտի 26-ի հանդիպմանը ներկա չեք գտնվի ու ֆան ակումբի գործունեությունը ավարտում եք»:

Ֆուտբոլի «Red Eagles» ֆան շարժման հիմնադիր համակարգող Դենիս Սարգսյանն այս բովանդակությամբ սպառնալիք գրությունը հայտնաբերել է երեկ երեկոյան, Ավան թաղամասում կայանած իր մեքենայի դիմապակու վրա: Ինքը՝ Դենիսը, չի պատկերացնում, թե դա ով կարող էր անել: «Հետաքրքիրն այն է, որ դեպքը ոչ թե մեր տան մոտ է եղել, որ մտածեմ՝ տան տեղը գիտեին, այլ ուրիշ վայրում: Ընկերոջս տուն էի գնացել: Որտեղի՞ց պետք է իմանային, որ այդ ժամին այնտեղ եմ: Հետեւաբար, հետեւել են: Ո՞վ կարող է լինել՝ չեմ պատկերացնում: Անձնական հարց չի կարող լինել՝ որովհետեւ ընդհանրապես մեր շարժման գործունեությունը դադարեցնել են պահանջում նաեւ: Ես, մեր ֆան ակումը ոչ մի անհատի կամ կազմակերպության հետ լուրջ թշնամական հարաբերություններ կամ հակասություններ չի ունեցել եւ չունի: Չեմ պատկերացնում, թե ովքեր են եւ ինչի համար է այս սպառնալիքը: Հայտարարությունով դիմել ենք ոստիկանություն: Խոստացել են ամեն բան անել բացահայտելու համար», – Aravot.am-ին ասաց Դենիսը:

Հարցին, թե սպառնալիքն ստանալուց հետո ի՞նչ են մտադիր անել, Դենիսը պատասխանեց. «Շարունակելու ենք մեր գործունեությունը: Վախենալու խնդիր չունենք: Ղազախստանի հետ հանդիպմանը, ինչպես ամեն անգամ, ներկա ենք լինելու եւ շարունակելու ենք երկրպագել ու ոգեւորել Հայաստանի ազգային հավաքականին»:

Աշոտ ՀԱԿՈԲՅԱՆ

Լուսանկարը՝ Դենիս Սարգսյանի ՖԲ էջի

 

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Մարտ 2017
Երկ Երե Չոր Հնգ Ուրբ Շաբ Կիր
« Փետ   Ապր »
 12345
6789101112
13141516171819
20212223242526
2728293031