Լրահոս
Օրվա լրահոսը

«Հաց բերողի» արարքը կարող էր վարակիչ լիներ». Եղիշե Պետրոսյան

Մարտ 22,2017 10:39

«Արթուրը շատ լուսավոր մարդ էր, շատ: Հիշում եմ, որ ինքը անընդհատ ասում էր, որ Աստծո կամքն էր, որ հասավ ՊՊԾ գունդ: Ասում էր ՝անհնար էր, որ կհասնեի, բայց ինչ-որ մի ձեռք ինձ առաջնորդեց: Ոգով շատ ամուր էր, մեծ հավատ ուներ վաղվա օրվա նկատմամբ: Չէր ուզում ձեռքերը ծալած նստել անգամ հիվանդության պարագայում: Պայքարող տեսակ էր, շատ եմ ափսոսում, որովհետեւ մենք մի 5, 6 հանդիպում ենք ունեցել: Վերջին անգամ հիվանդանոցում եմ տեսել՝ մահվանից ժամեր առաջ: Մենք մեղք ունենք՝ ամեն բան պետք է անեինք նրան մի ժամ շուտ ազատելու համար»,-երեկ Արթուր Սարգսյանի հոգեհանգստի ժամանակ Aravot.am-ին իր հուշերի ու տպավորությունների մասին այսպես էր պատմում երգահան Եղիշե Պետրոսյանը:

Այնուհետեւ լրագրողների հետ զրույցում նշեց. «Ոչ ոք օրենքի տառին չի հետեւում, կամ ծայրահեղ դեպքում հետեւում են, երբ որ իրենց պետք է լինում: Քմահաճույքով էս մարդուն տարան եւ հասցրեցին մահվան»:

Ամբողջ իրավական համակարգը, դատաբժշկական անձնակազմը, ըստ երգահանի, մեղավոր է «Հաց բերողի» մահվան համար. «Ես տեսնում եմ դավադրություն մեր բոլոր արժեքների նկատմամբ: Այն ինչ որ մեր ազգի մոտ եղել է արժեքավոր եւ ընդունված՝ այդ ամենը փորձում են ապականել: Ես անընդհատ դա եմ տեսնում, թե ապրիլի 2-ին ընտրություններ նշանակելը, այդ օրը մենք ունեինք եւ սգալու բան եւ ինչու չէ՝ նաեւ հպարտանալու բան, որ ամբողջ ազգը համախմբվեց, ցույց տվեց, որ ինքը բռունցք կարա լինի, չարժե այդ ամեն ինչը ծամածռություններով փոխարինել հիմա՝ ընտրություն անունով: Այս մարդու՝ Արթուր Սարգսյանի արարքը կարող էր վարակիչ լիներ մարդասիրության, անձնազոհության, արժանապատվության, սա էսպես արվեց, հրաշալի, լուսավոր տղաներ բանտերում են՝ էդպես ա արվում»:

Մանրամասները՝ շուտով տեսանյութում:

Անուշ ՄԱԹԵՎՈՍՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Մարտ 2017
Երկ Երե Չոր Հնգ Ուրբ Շաբ Կիր
« Փետ   Ապր »
 12345
6789101112
13141516171819
20212223242526
2728293031