Շիրակի մարզի Ազատան գյուղում վարչապետ Կարեն Կարապետյանի հետ հանդիպման ժամանակ մի տարեց կին ոտքի կանգնեց ու ասաց․«Տղա ջան, ավանդները ինչ եղա՞ն, ես միայնակ ծեր եմ, ժառանգ չունեմ»։ Դահլիճում նստածները սկսեցին ծիծաղել տիկնոջ այդպիսի կտրուկ, պահանջատիրական տոնից։
Վարչապետն ասաց․«Դուք` իմ ծնողները, պապը, տատը ունեն ավանդ մի երկրում, որը գոյություն չունի, ավանդը դրել ենք Սովետմիության մեջ։ Մենք՝ Հայաստանի Հանրապետության կառավարությունը, մեր վրա վերցնում ենք պարտավորություն քաղաքացիներին վերադարձնելու այն փողը, որը մենք չենք տիրապետել, փողը տվել ենք ուրիշ երկրի, չէ՞։ Այսօր այդ փողը մենք վերադարձնում ենք ՝ըստ այն տարբերակի և ըստ այն հնարավորության, որը մեր գրպանը թույլ է տալիս։ Կարո՞ղ ենք ավելի արագ տալ ու չե՞նք տալիս, այդ հնարավորությունը չունենք, տրամաբանական է, տնտեսությունը մինչև չզարգացնենք, հավելյալ փող չունենանք, կարծեմ ավարտում ենք 31 թվի ծնվածներինը…Մայրիկ ջան, ուշացնում ենք ավանդ տալը, որ դուք հլը երկար ապրեք»։
Վարչապետը, իհարկե, շեշտեց, որ սա կատակ է ու նաև նշեց, որ նրանք, որոնք խոստանում են վաղը ավանդներ վերադարձնել, գազի գինը նվազեցնել, թոշակները բարձրացնել, սուտ է։ «Էդ դեպքում ասեք՝ էդ փողը որտեղի՞ց եղբայր»,-ասաց Կարեն Կարապետյանը։
Կարդացեք նաև
Նունե ԱՐԵՎՇԱՏՅԱՆ
