Լրահոս
Օրվա լրահոսը

Հայաստանը հրաժարվել է ընտրությունները դիտարկելու համար հավատարմագրել EPDE-ի ներկայացուցիչներին

Մարտ 22,2017 14:53

Ժողովրդավարական ընտրությունների եվրոպական պլատֆորմը (EPDE) հայտարարություն է տարածել, որով քննադատել է Հայաստանի իշխանությունների որոշումը, ըստ որի կազմակերպության դիտորդները չեն հավատարմագրվել 2017թ. ապրիլի 2-ին կայանալիք խորհրդարանական ընտրություններում դիտորդական առաքելություն անցկացնելու համար:

EPDE-ն Թրանսփարենսի ինթերնեշնլ հակակոռուպցիոն կենտրոնի երևանյան գրասենյակի և Հելսինկյան Քաղաքացիական Ասամբլեայի Վանաձորի գրասենյակի հետ վճռականորեն բողոքում է  Հայաստանի կառավարության արբիտրաժային որոշման դեմ:

Մերժման պատճառն արդեն հայտարարագրված դիտորդների մեծ թիվն է, և, հետևաբար, հավելյալ միջազգային դիտորդների անհրաժեշտության բացակայությունը:

Հայտարարության համաձայն՝ ՀՀ կառավարության  նման որոշումը հակասում է Հայաստանի պարտավորություններին, որոնք երկիրը ստանձնել է որպես  ԵԱՀԿ անդամ՝ պարտավորվելով դիտորդներ հրավիրել ԵԱՀԿ անդամ մյուս երկրներից: Հայաստանը նման պարտավորություն է ստանձնել, մասնավորապես ԵԱՀԿ Կոպենհագենի 1990 թ. փաստաթղթով, որը հետագայում ամրագրվեց 1999թ. ԵԱՀԿ Ստամբուլի փաստաթղթում և 2006թ. Բրյուսելում ստորագրված ԵԱՀԿ նախարարների  խորհրդի № 19/06 որոշման (10-րդ կետ) մեջ: Սա լուրջ մտահոգություն է առաջացնում, որ Հայաստանի կառավարությունը միջազգային դիտորդների ներկայությունը չի դիտարկում որպես կարևոր ներդրում ընտրական գործընթացում:

EPDE-ն միջազգային հանրությանը, մասնավորապես, Մարդու իրավունքների և ժողովրդավարության ինստիտուտին, ԵՄ հանձնաժողովին և Եվրոպայի խորհրդին, կոչ է անում Հայաստանի իշխանությունների հետ  ապագայում կայանալիք խորհրդակցություններին քննարկել միջազգային դիտորդներին չհայտարարագրելու մասին որոշումը:

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Մարտ 2017
Երկ Երե Չոր Հնգ Ուրբ Շաբ Կիր
« Փետ   Ապր »
 12345
6789101112
13141516171819
20212223242526
2728293031