Այսօր կառավարության նիստից առաջ վարչապետ Կարեն Կարապետյանը, ինչպես յուրաքանչյուր նիստի օր, այս անգամ էլ մի շարք հանձնարարականներ տվեց:
Վարչապետն ասաց, որ վերջին օրերին այցելելով մարզեր եւ ամփոփելով դրանք պետք մի շարք հանձնարարականներ տա, մասնավորապես վարչապետին խիստ մտահոգել են համայնքային ճանապարհները: Վարչապետի խոսքերով՝ «Վերջին շրջանում բազմաթիվ բնակավայրերի ուսումնասիրության արդյունքում պարզ է դարձել, որ առկա է շատ արագ մեր ուշադրությունը դեպի համայնքային, մարզային եւ գյուղական նշանակության ճանապարհների շահագործման, պահպանման եւ ուղեւորափոխադրումների հիմնախնդիրներին դարձնել»:
Վարչապետը հանձնարարեց 10 օրյա ժամկետում ներկայացնել տեսլական սահմանամերձ համայնքների ճանապարհային խնդիրների լուծման վերաբերյալ, ակտիվացնել աշխատանքները խոշոր ճանապարհային ծրագրերում, եւ գույքագրել առկա եւ ակնկալվող ֆինանսական միջոցները. «Այս հանձնարարականն ուզում եմ մեկնաբանեմ՝ 9 անց կես «մոստերի» վրա աշխատող չկա: 5 անց կես սաղ «պերեկուր» են անում: Ես մի անգամ էդ հարցը տվել եմ, ասել են՝ ժամկետի մեջ ա: Եթե ըսենց են աշխատում, ժամկետը կարճացրեք: Որեւիցե աշխատանք չի կատարվում: Նախեւառաջ էդ կամուրջների վրա բազմաթիվ ինժեներական աշխատանքներ կան, որոնք կարող են կամուրջից դուրս անել: Շատ կոշտ՝ մարզպետներին, բոլորին իրենց տարածքներում, կոշտ, չափազանց կոշտ: Քանի անգամ ա գնում եմ, հատուկ նայում եմ, 9 անց կես աշխատող մարդ չկա: Ես հասկանում եմ, որ դա մեր կապալառուի խնդիրն ա, բայց պայմանագիրն ընենց արեք, որ մենք կարողանանք հետեւենք»:
Նելլի ԲԱԲԱՅԱՆ
