Լրահոս
Օրվա լրահոսը

«Ադրբեջանը պեչատած թղթով բերել՝ ցույց է տվե՞լ, որ համաձայն է»,-Այվազյանը՝ Տեր-Պետրոսյանի դաշինքին (Տեսանյութ)

Մարտ 23,2017 13:16

«Մենք չենք մերժել որեւէ ձեւաչափով երկխոսությունը, բայց եթե դիմացինդ (նկատի ունի Ադրբեջանին.-խմբ.) չի ընդունում այդ տարբերակները, դու նորից ուզում ես ասես՝ տանեմ հողերը տա՞մ»,-«Տեսակետ» մամուլի ակումբում այսօր անդրադառնալով ՀԱԿ առաջնորդ Լեւոն Տեր-Պետրոսյանի հարցազրույցին, ասաց ՀՀԿ պատգամավորի թեկնածու Վարդան Այվազյանը:

Նա մեկնաբանեց Լեւոն Տեր-Պետրոսյանի այն պնդումը, որ եթե ՀՀ իշխանությունները հայտարարեն, որ պատրաստակամ են ընդունել «Մադրիդյան սկզբունքները», միջազգային հանրությունը կճնշի Ադրբեջանին: «Համենայնդեպս, Ադրբեջանը դա չի ընդունում: Ո՞վ է ասել, որ ընդունում է»,-հարցադրում արեց Վարդան Այվազյանը:

Նշեցինք, որ ըստ «Կոնգրես-ՀԺԿ»-ականների՝ Ադրբեջանն իրականում համաձայն է «Մադրիդյան սկզբունքներին»:«Ադրբեջանը պեչատած թղթով բերել՝ ցույց է տվե՞լ, որ համաձայն է»,-արձագանքեց Վարդան Այվազյանը:

Նա նաեւ կարծիք հայտնեց ՀՀԿ վարկանիշային թեկնածուների մասնակցությամբ գրանցված արյունոտ միջադեպերի մասին. «Կարող եմ ենթադրել, որ դրանք սովորական՝ առօրյա կյանքում տեղի ունեցող միջադեպեր են, որոնք շատ դեպքերում քաղաքականացվում են»:

Մանրամասն՝ տեսանյութում:

Լուիզա ՍՈՒՔԻԱՍՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Մարտ 2017
Երկ Երե Չոր Հնգ Ուրբ Շաբ Կիր
« Փետ   Ապր »
 12345
6789101112
13141516171819
20212223242526
2728293031