Օհանյան-Րաֆֆի-Օսկանյան դաշինքը դիմելու է ԿԸՀ չեղյալ ճանաչելու ՀՀԿ-ի մասնակցությունը ապրիլի 2-ի խորհրդարանական ընտրություններին:
Դաշինքի համամասնական ցուցակում ընդգրկված Արմեն Մարտիրոսյանը Սպիտակում նախընտրական հանդիպմանը դաշինքի անունից հայտարարեց իրենց այս նախաձեռնության մասին և կոչ արեց մյուս կուսակցություններին քննարկել միասին դիմելու հարցը:
Պարոն Մարտիրոսյանը, մասնավորապես, ասաց. «Մեր ընտանիքում երեք մանկավարժ կա, ես գիտությունների թեկնածու եմ, դոցենտ, 22 տարվա դասախոսական ստաժ ունեմ արդեն: Ինձ համար մեծ ցավ է, որ մանկավարժներին այս իշխանությունները կեղտոտ խաղերի, ընտրակեղծարարության մեջ են մտցնում»:
Արմեն Մարտիրոսյանը, հղում կատարելով «Իրազեկ քաղաքացիների միավորում» ՀԿ-ի` իր խոսքով ասած «չակերտավոր օպերացիայի» արդյունքները, որի ժամանակ 110-ից ավելի դպրոցի, մանկապարտեզների տնօրեններ հաստատել են այն փաստը, որ իրենք ապօրինաբար աշխատում են ՀՀԿ-ի համար, ասաց, թե դա միայն բավարար է, որ չեղյալ համարվի ՀՀԿ-ի մասնակցությունն ընտրություններին. «Վարչական ռեսուրսի օգտագործումն արգելվում է Ընտրական օրենսգրքով: Միայն այս փաստն արդեն բավարար է, որ ՀՀԿ-ի մասնակցությունը ապօրինի ճանաչվի: 100-ից ավելի դպրոցների տնօրենների ձայնագրություններ կան»:
Կարդացեք նաև
Տաթև ՀԱՐՈՒԹՅՈՒՆՅԱՆ
