Լրահոս
Օրվա լրահոսը

Էդմոն Մարուքյան. «Թո՛ղ բարերարություն անեն առանց պատգամավորի թեկնածու լինելու»

Մարտ 25,2017 17:15

«Միակ տարբերակը «Ելք» դաշինքն է. չեք ուզում ձեր ձայնը փոշիանա, ձայնը տալիս եք «Ելք» դաշինքին»,- մարտի 25-ին «Ելք» դաշինքի քարոզարշավի ընթացքում ասաց դաշինքի անդամ, ԱԺ պատգամավոր Էդմոն Մարուքյանը:

Էդմոն Մարուքյանը, անդրադառնալով այլ կուսակցությունների թեկնածուներին, շարունակեց. «Իրենք քաղաքականության հետ կապ չունեն, իրենք քաղաքականության հետ կապ չպիտի ունենան, իրենք ի՞նչ գործ ունեն պատգամավոր լինելու հետ, թո՛ղ բարերարություն անեն առանց պատգամավորի թեկնածու լինելու, դե թո՛ղ անեն: Մենք բարերար չենք ընտրում, մենք ձեւավորում ենք Հայաստանի՝ 21-րդ դարի այնպիսի իշխանություն, որը Հայաստանը կդարձնի արդիականացված պետություն՝ ռազմական արդյունաբերության վրա հենված, բարձր տեխնոլոգիաներով մի այնպիսի պետություն,

որտեղ մարդը բարձրագույն արժեք է, որտեղ ամեն բան արվում է հանուն մարդու, եւ մարդիկ ոչ թե մտածում են՝ ուր գնանք՝ գլուխներս ազատենք, այլ վերադառնում են, գալիս են՝ իրենց իղձերը,երազանքները ի կատար ածելու: Մենք այդ Հայաստանի տեսլականով ենք մտել քաղաքականություն, մենք ձեզ կոչ ենք անում միանալ մեզ, ներդրում կատարել մեր ծառայությունը՝ որպես քաղաքական գործիչ, վերցնել որպես մեզ ծառայողներ եւ մենք կծառայենք ձեզ՝ քաղաքացիներին, եւ Հայաստանի Հանրապետությանը»:

Ամի ՉԻՉԱԿՅԱՆ

 

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Մարտ 2017
Երկ Երե Չոր Հնգ Ուրբ Շաբ Կիր
« Փետ   Ապր »
 12345
6789101112
13141516171819
20212223242526
2728293031