Լրահոս
Օրվա լրահոսը

Վանաձորում «Ելք»-ին հետեւում էին պատշգամբներից

Մարտ 25,2017 22:43

Այսօր «Ելք» դաշինքի թեկնածուներ՝ Էդմոն Մարուքյանը, Նիկոլ Փաշինյանն ու Արամ Սարգսյանը շրջում էին Վանաձոր քաղաքի թաղամասերով: Դաշինքի նախընտրական ցուցակի առաջատար եռյակը քարոզարշավը սահմանափակեց` շենք առ շենք այցելելով: Թեկնածուները բարձրախոսով հայտարարում էին «Ելք»-ի ծրագրերը, հորդորում ընտրել իրենց:

Էդմոն Մարուքյանը բնակիչներին կոչ արեց ինչպես 5 տարի առաջ, այս անգամ էլ քվեարկել իր ու արդեն իր դաշինքի օգտին`հնարավորություն չտալով իշխանությանը վերարտադրվել:

«Ելք» դաշինքը միավորված ընդդիմություն է, որը միավորվել է նաեւ ձեր պահանջով: Ուզու՞մ եք փոփոխություններ, ուզու՞մ եք այն Հայաստանը, որը երկար տարիներ երազում եք: Ուզու՞մ եք դուրս գալ այս պայմաններից, ուզու՞մ եք ելք այս պայմաններից, ուրեմն գլուխներդ բարձր, դուխներդ տեղը, առանց վախենալու, առանց ընկրկելու, առանց սրան-նրան լսելու, առանց մի գրամ կասկածելու ապրիլի 2-ին գնացեք ընտրական տեղամասեր եւ քվեարկեք հանուն փոփոխությունների, որովհետեւ «Ելք կա»: Մենք ձեզ վրա հույս ենք դնում, դուք էլ մեզ վրա հույս դրեք:

Նիկոլ Փաշինյանն էլ հայտարարեց, որ երկիրն այս վիճակից կարող է հանել միայն իրենց թիմը. «Ապրիլի 2-ին դուք ունեք բացառիկ հնարավորություն փակել կոռումպացված եւ հետընթաց ապրող Հայաստանի էջը: Եւ բացել Հայաստանի զարգացման նոր՝ ավելի պայծառ էջ, որպեսզի Հայաստանը լինի իսկապես ժողովրդավարական, իրավական, սոցիալական եւ իսկապես ինքնիշխան պետություն»:

Բնակիչները թեկնածուներին հետեւում էին պատշգամբներից: Նրանց բաժանվեցին նաեւ դաշինքի նախընտրական ծրագրերը:

Տաթեւիկ ՂԱԶԱՐՅԱՆ

 

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Մարտ 2017
Երկ Երե Չոր Հնգ Ուրբ Շաբ Կիր
« Փետ   Ապր »
 12345
6789101112
13141516171819
20212223242526
2728293031