Լրահոս
Օրվա լրահոսը

Ստեփան Դեմիրճյան. «Չի կարելի շահարկել Ղարաբաղի հարցը» (Տեսանյութ)

Մարտ 27,2017 23:11

Այսօր Վանաձորի «Արցախ» պուրակում տեղի ունեցած քարոզարշավի ժամանակ Հայաստանի Ժողովրդական կուսակցության (ՀԺԿ) նախագահ Ստեփան Դեմիրճյանն ասաց, որ երկրում ստեղծված իրավիճակը չի կարելի կապել միայն Ղարաբաղյան հակամարտության հետ:

«Արժանապատիվ խաղաղության հաստատումը նոր հեռանկարներ կբացի մեր երկրի առաջ: Կնպաստի ներգաղթին, տնտեսության վերելքին, ներդրումների ներգրավմանը, աշխատատեղերի ստեղծմանը: Այս վիճակն առաջին հերթին հետեւանք է իշխանության յուրացման, անազնիվ, ոչ արդյունավետ կառավարման»:

Նրա կարծիքով երկիրը զարգացնելու համար, առաջին հերթին պետք է լուծել ներքին խնդիրները: «Չի կարելի շահարկել Ղարաբաղի հարցը: Հիշում եք, մեզ մեղադրում էին, թե վճռական չեն, էս չեն, էն չեն: Այո, մենք զերծ ենք պահել մեր երկիրը ցնցումներից, նկատի ունենալով, որ կա Ղարաբաղի հարց: Բայց իշխանությունները մշտապես շահարկել են այս հարցը, իշխանությունը պահելու համար»:

Պատգամավորության թեկնածուն վանաձորցիներին հորդորեց ապրիլի 2-ին գնալ ընտրության եւ փոխել երկիրը: «Կոչ եմ անում, ապրիլի 2-ին կատարել գիտակցված ընտրություն: Եվ համոզված եղեք, եթե ձայնը տաք «Կոնգրես-ՀԺԿ» դաշինքին, չեք սխալվի: Քվեարկելով այս դաշինքի օգտին, դուք քվեարկելու եք երկրում արդարության հաստատման եւ իրատեսական ծրագրերի իրականացման օգտին»:

Մանրամասները՝ տեսանյութում

Տաթեւիկ ՂԱԶԱՐՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Ամենաընթերցված

Օրացույց
Մարտ 2017
Երկ Երե Չոր Հնգ Ուրբ Շաբ Կիր
« Փետ   Ապր »
 12345
6789101112
13141516171819
20212223242526
2728293031