Հայրենակիցներ.
Ապրիլի 2-ի կորստի ցավն ու մեր ինքնության լուսե պոռթկումը այդ օրվա տարելիցին նշանակված ընտրություններով արատավորելու անբարո գործընթացը մեզ պարտավորեցնում է առավել խորքային գիտակցել ու անեղծ պահել այդ օրվա, և ընդհանրապես ապրիլյան քառօրյա պատերազմի սթափեցնող դասերը:
Ի հակադրություն չնչին, անարժանապատիվ ապրելու մեզ պարտադրվող կենսակերպի, որպես մեր արմատներից բխող ինքնությանն ուղղված սթափեցնող ճիչ ենք ընկալում.
• Սահմանը պաշտպանող մեր երեխաների անձնազոհ, անօրինակ սխրանքը.
• Բարձրագույն մարդկային նկարագիր դրսևորած սպայի հայրական ինքնազոհությունը.
• Կյանքի ու մահվան բովում մաքառող հալեպահայերի դրամահավաքը ի պաշտպանություն Արցախի.
• Ազատամարտիկների, բազում կամավորների, դպրոցականների, համայն հայության մոբիլիզացիան հանուն հայրենիքի…
…Էլի ու էլի մեր ճշմարիտ ինքնության բազում դրսևորումներ, ինչի շարունակական լինելու փառահեղ վկայությունն է նաև “հաց բերողի” առասպելական վարքը:
Հոգևոր Հայաստանը այդ օրերի ինքնաբուխ պոռթկումը գնահատելով պատմական, փաստում է, որ այսուհետ այդ խորհուրդը մեր արթնացումը դարձնում է անշրջելի և ժողովրդի հոգեբանության մեջ ամրագրվում որպես առաջիկա հաղթանակների ոգեղեն ուղենիշ:
Հասմիկ Պապյան – օպերային երգչուհի
Նարինե Թուխիկյան – բանասեր
Խաչիկ Չալիկյան – ռեժիսոր, դրամատուրգ
Եղիշե Պետրոսյան – երգահան, երաժիշտ
Ռուբեն Կարապետյան – պատմական գիտությունների դոկտոր, ՀՀ դեսպան
Վարդան Խաչատրյան – պատմաբան, ԵՊՀ դասախոս
Արեգ Նազարյան – երաժիշտ, երգահան
