ՀՀ Ընտրական օրենսգրքի ընդունումից հետո կարծիքներ հնչեցին, թե վարկանիշային ընտրակարգը ձեռնտու է թաղային հեղինակություններին: Քարոզարշավը, սակայն ցույց տվեց, որ մարդիկ նախընտրում են լսել մարդու խոսքը` անկախ նրա կապերից, հեղինակությունից: Գնահատում են մտածողությունը, գործելու ինքնուրույնությունն ու խիզախությունը:
Երեւանի Կենտրոն, Նորք Մարաշ, Էրեբունի և Նուբարաշեն վարչական շրջաններն ընդգրկող 4 ընտրատարածքում իր խոսքով առանձնանում է «Ծառուկյան» դաշինքի թեկնածու Վաչագան Գրիգորյանը, ում կարծիքով, «Ծառուկյան» դաշինքից ներկայանալն արդեն իսկ լավ հնարավորություններ է տալիս երիտասարդ թեկնածուին։ Վաչագան Գրիգորյանը 38 տարեկան է:
«Մեր քաղաքական թիմի առաջնորդին՝ Գագիկ Ծառուկյանին իր հասարակական-քաղաքական գործունեությամբ ճանաչում և սիրում են այս ընտրատարածքում, իսկ դաշինքը թերևս այն միակ ուժն է, որը կարող է պայքարել իշխանությունն իր ձեռքը վերցնելու համար»,- վստահ է Վաչագան Գրիգորյանը:
Թեկնածուն արդեն գիտի, թե ինչ կանի հաջողության հասնելու` ԱԺ պատգամավոր դառնալու դեպքում. «Ես ինձ տեսնում եմ ոչ միայն որպես «Ծառուկյան» դաշինքի անդամ, որը բնականաբար կկատարի թիմային աշխատանք խորհրդարանում, այլև որպես 4-րդ ընտրատարածքից ընտրված պատգամավոր, կլինեմ ակտիվ ու նախաձեռնող, նոր փոփոխություններ բերող հատկապես երիտասարդներիս հասարակական մշակութային կյանքում»։
Կարդացեք նաև
Վաչագան Գրիգորյանը ծնվել է 1979 թ. մարտի 12-ին՝ Երևանում:
1999-ին ավարտել է ԵՊՀ Երկրաբանական ֆակուլտետը՝ երկրաբանի որակավորմամբ: 2003-ին ավարտել է ԵՊՀ Իրավաբանական ֆակուլտետը՝ ստանալով իրավաբանի որակավորում: Աշխատանքային գործունեությունը սկսել է 2000 թվականից`աշխատել է Երևանի պետական համալսարանում: Այնուհետեւ`Հայաստանի հանրապետության արդարադատության, բնապահպանության նախարարություններ, իր ընտանիքի հիմնած «Օջախ-Ե» ընկերություն, ներկայումս` ՀՀ Գեղարքունիքի մարզպետարանի տեղական ինքնակառավարման և հանրապետական գործադիր մարմինների հարցերով վարչության պետ: Տիրապետում է հայերեն, ռուսերեն, անգլերեն լեզուներին:
Ամուսնացած է, ունի 2 երեխա:
