Լրահոս
Օրվա լրահոսը

Կուտակումներ, ուղեկցորդներ՝ Սամվել Ալեքսանյանի դպրոցում

Ապրիլ 02,2017 11:45

Մալաթիա-Սեբաստիա վարչական շրջանի 7/56 ընտրական տեղամասում քիչ առաջ քվեարկեց ՀՀ քննչական կոմիտեի նախագահ Աղվան Հովսեփյանը: Նա չպատասխանեց քարոզարշավի ժամանակ գրանցված միջադեպերի, դանակահարությունների եւ վերջին՝ «Ելք» դաշինքի ներկայացուցիչների վրա զինված հարձակման վերաբերյալ հարցերին:

Հանուն ինչի քվեարկեցիք հարցին էլ պատասխանեց՝ քվեարկեցի հանուն ձեզ եւ հեռացավ:

ՀՀԿ պատգամավորի թեկնածու Սամվել Ալեքսանյանը լրատվամիջոցներին հայտնել էր, որ առավոտյան 11-ին պետք է քվեարկության գա, բայց պարզվում է՝ եկել է քվեարկության վաղ առավոտյան ու հեռացել: Այս տեղամասի առաջ կուտակումներ են, կուտակումներ կան նաեւ տեղամասում: Իսկ տարեց ընտրողները ընտրելու են գալիս երիտասարդ ուղեկցորդների թեւն ընկած:

ՀՀԿ հանձնաժողովի նախագահ Էդուարդ Գալայանը նորմալ է համարում կուտակումները՝ ասելով, որ ընտրողների ակտիվությամբ է պայմանավորված:

Ըստ նրա, որեւէ խախտում, միջադեպ, ահազանգ իրենց տեղամասում չի գրանցվել, սարքերի հետ խնդիրներ չկան: Ըստ նրա, իրենց տեղամասում 1958 ընտրող կա, նա դժվարացավ ասել, թե քանի տոկոսն է արդեն քվեարկել. «Կրկնաքվեարկության փորձերը բացառվում են, ուղեկցորդներ կան, որովհետեւ տարեց մարդիկ կան, որոնք խնդիրներ ունեն, բնական է»:

Արփինե ՍԻՄՈՆՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Ապրիլ 2017
Երկ Երե Չոր Հնգ Ուրբ Շաբ Կիր
« Մար   Մայիս »
 12
3456789
10111213141516
17181920212223
24252627282930