Կենտրոնական ընտրական հանձնաժողովը երեկ ներկայացրեց ԱԺ ընտրությունների նախնական արդյունքները: Թե ինչպես վարվեց ամեն գնով իշխանության մնալ ձգտող Հանրապետական կուսակցությունն իր, այսպես կոչված, ռեյտինգային թեկնածուներով, բոլորս տեսանք:
Պարզ դարձավ նաև, որ հասարակության մի զգալի մասը, այլևս հույս չկապելով որևէ ընդդիմադիր քաղաքական ուժի հետ, մի քանի հազար դրամով կամ առանց դրա իր ձայնը տվեց այն իշխանությանը, որին ողջ օրն անիծում ու քննադատում է:
Անակնկալ կարելի է համարել խորհրդարանում չհայտնված կուսակցությունների հայտարարությունները, որոնք ի տարբերություն նախորդ տարիների, կամ ընդունեցին ներկայացված արդյունքները կամ պարտադիր չհամարեցին հենց հաջորդ օրվանից մարդկանց հրավիրել Ազատության հրապարակ և հեղափոխության կոչեր անել:
Թե ինչ պայքար կծավալեն իշխանությունների ապօրինությունների դեմ Ծառուկյան դաշինքը, խորհրդարանում հայտնված և չհայտնված ընդդիմադիր ուժերը, ցույց կտա ժամանակը:
Կարդացեք նաև
Սուրեն ՍԱՐԳՍՅԱՆ
