Որեւէ տարածքային ընտրական հանձնաժողով չի քննարկելու վերահաշվարկի դիմումները, քանի որ դրանք ներկայացված են եղել ոչ իրավասու անձանց կողմից: Այս մասին Aravot.am-ին հայտնեց ԿԸՀ մամուլի քարտուղար Հերմինե Հարությունյանը:
Նա նշեց, որ վերահաշվարկի դիմումներ էին ներկայացրել ՀՀԿ, ՀՅԴ, «Ծառուկյան» դաշինքի եւ ՀՅԴ տարածքային թեկնածուները:
Հիշեցնենք, որ ըստ նոր Ընտրական օրենսգրքի՝ վերահաշվարկի դիմում կարող է ներկայացնել միայն այն թեկնածուն, որը տվյալ ընտրատեղամասում ներկա է գտնվել քվեների հաշվարկի գործընթացին:
Լուիզա ՍՈՒՔԻԱՍՅԱՆ