Տրամաբանությունը հուշում է, որ տարբեր շենքեր ու շինություններ պետք է ունենան իրարից տարբերվող հասցեներ: Սակայն այդ տրամաբանությունը չի գործում անգամ պետական որոշ շենքերի պարագայում:
Արդեն անդրադարձել ենք, որ Բաղրամյան 26 հասցեն, պարզվում է, պատկանում է եւ ՀՀ նախագահի նստավայրին, եւ այդ շենքի հարեւանությամբ գտնվող մի եռահարկ բազմաբնակարան բնակելի շենքի:
Եվ սա միակ դեպքը չէ, որ պետական հաստատության հասցեով առկա են նաեւ այլ շինություններ, եւ ըստ այդմ՝ այնտեղ հաշվառված են բնակիչներ:
ԿԸՀ-ն հրապարակել է ընտրությունների քվեարկությանը մասնակցած ընտրողների ցուցակները, ըստ որոնց՝ պարզվում է, որ բնակիչներ են հաշվառված նաեւ Նալբանդյան 104 հասցեում: Հիշեցնենք՝ այն ընդունված է համարել Ազգային անվտանգության ծառայության հասցե:
Կարդացեք նաև
Սակայն ըստ Դաշտենցի անվան թիվ 114 դպրոցում տեղակայված 9/41 ընտրական տեղամասի ընտրական ցուցակի՝ պարզվում է, որ Նալբանդյան 104 հասցեում հաշվառված են 9 հոգի:
Էլի ստացվում է՝ երկու շենք, իրարից որոշակի հեռավորության վրա, սակայն ունեն նույն հասցեն:
