2016թ. Արցախում հակամարտ զորքերի շփման գծում ապրիլյան իրադարձություններից հետո հակամարտության կարգավորման հույս կար: Այս մասին APA գործակալությանը հայտնել է Ադրբեջանում Իսրայելի դեսպան Դան Ստավը:
Դիվանագետը հիշեցրել է, որ 2016թ. մայիսին և հունիսին Վիեննայում, Սանկտ Պետերբուրգում տեղի է ունեցել Հայաստանի և Ադրբեջանի նախագահների հանդիպումը:
«Ցավոք սրտի, հակամարտության կարգավորման հույսերը չարդարացվեցին: Կարծում ենք, որ հակամարտությունը պետք է լուծվի խաղաղ ճանապարհով: Իսրայելն աջակցում է ԵԱՀԿ Մինսկի խմբի գործունեությանը: Քանի որ հակամարտության կողմերը ևս աջակցում են այդ ձևաչափին»,-ասել է դեսպանը:
