Թուրքիայի ԱԳ նախարար Մևլութ Չավուշօղլուն կոչ է արել տապալել Սիրիայի նախագահ Բաշար Ալ-Ասադի վարչակազմը: Բացի այդ, նա թուրքական կողմի աջակցությունն է հայտնել ԱՄՆ-ին՝ սիրիական ավիաբազայի հրթիռակոծման կապակցությամբ:
«Անհրաժեշտ է, որպեսզի այս վարչակարգը որքան հնարավոր է շուտ տապալվի: Եթե նա (Սիրիայի նախագահ Բաշար Ալ-Ասադը-խմբ.) չի ցանկանում հեռանալ, եթե չկա անցումային իշխանություն, եթե նա շարունակում է մարդկության դեմ հանցագործություններ կատարել, անհրաժեշտ է նրան տապալելու համար քայլեր ձեռնարկել»,-ասել է Չավուշօղլուն:
Նրա խոսքով՝ այժմ, առավել քան երբևէ, անհրաժեշտ է անվտանգ գոտիներ ստեղծել Սիրիայի քաղաքացիների համար: Չավուշօղլուն նաև նշել է, որ Միացյալ Նահանգները տեղյակ է պահել կոալիցիային նախատեսվող հրթիռակոծման մասին:
