Թաիլանդի մայրաքաղաք Բանգկոկում վաղն ավարտվելու է ծանրամարտի մինչեւ 17 տարեկանների աշխարհի առաջնությունը, որտեղ մեդալներից զատ խաղարկվում են 2018 թվականի պատանեկան օլիմպիական խաղերի ուղեգրեր: Հայաստանը Թաիլանդում է միայն տղաների հավաքականով:
Մինչեւ այսօր մրցահարթակ մտել են մեր պատանիներից վեցը, որոնցից լավագույն արդյունք ցույց են տվել 69 կգ քաշայիններ Արմեն Գրիգորյանը եւ Ռաֆիկ Հարությունյանը: Արմենը երկամարտի 282 կգ-ով իններորդն է, Ռաֆիկը (278 կգ)՝ տասներորդը: Վաղը մեր տղաներից վերջինը պայքարի մեջ կմտնեն 94 կգ քաշայիններ Յաշա Մինասյանը եւ Արսեն Դադայանը: Նրանք հանդես են գալիս «B» խմբում եւ չեն կարողանալու պայքարել մեդալների համար:
Աշոտ ՀԱԿՈԲՅԱՆ
