1995-ի խորհրդարանի ընտրություններից 9 օր անց ԿԸՀ-ն անվավեր է ճանաչում 5 ընտրատարածքների քվեարկության արդյունքները եւ նշանակում վերաքվեարկություն:Այն նշանակվում է հուլիսի 29-ին:
ՀՌԱԿ ատենապետ Ռուբեն Միրզախանյանը 1995-ի ընտրություններից հետո հայտարարում է, որ արմատական ընդդիմադիր ԱԺՄ-ն համագործակցում է իշխանությունների հետ: Պարոն Միրզախանյանը համոզված է, որ հենց իշխանությունն էլ փոխել է ԱԺՄ-ի ցուցանիշներն ընտրություններում եւ մտցրել խորհրդարան:
1999-ի խորհրդարանի ընտրություններից 9 օր հետո ԱԺՄ-ն պնդում է, որ դրանք ազատ ու արդար չէին, սակայն բողոքարկելն անիմաստ է, քանի որ երաշխիք չկա, որ հաջորդ ընտրություններն ավելի լավը կլինեն: Առայժմ, սակայն, կուսակցությունը պիտակներ չի կպցնի Ռոբերտ Քոչարյանին ու Վազգեն Սարգսյանին, կսպասի նոր կառավարության ծրագրին։
Ամերիկացի գործարար Ջոն Հանթսմանը 1999-ի այս օրը հյուրընկալվում է նախագահ Ռոբերտ Քոչարյանին: Գրկախառնությունն անսովոր է, Քոչարյանն ասում է, որ Հանթսմանը հայ ժողովրդի եւ իր անձնական բարեկամն է, իսկ վերջինս Քոչարյանի մասին նկատում է՝ նա հրաշալի հրաձիգ է։
Կարդացեք նաև
Մանրամասներին կարող եք ծանոթանալ՝ «Ա1+»-ի կայքում:
