«Ազատություն». Միացյալ Նահանգները Աֆղանստանի արևելյան Նանգարհար գավառում գտնվող «Իսլամական պետություն» խմբավորման թիրախի դեմ կիրառել է իր զինանոցում եղած ամենահզոր ոչ-միջուկային զենքը:
Ապրիլի 13-ին Պենտագոնի խոսնակ Ադամ Սթամփը հայտարարել է, որ 11 տոննա պայթուցիկներ պարունակող GBU-43 ռումբը նետվել է Պակիստանին սահմանակից շրջանում «Իսլամական պետության» կողմից օգտագործվող թունելների համալիրի վրա: Սթամփը նշել է, որ ԱՄՆ զինված ուժերը առաջին անգամ են մարտական պայմաններում օգտագործում GBU-43 ռումբը:
