Թուրքիայում քրդամետ Ժողովուրդների ժողովրդավարական կուսակցությունը կարող է դուրս գալ խորհրդարանից, եթե սահմանադրական հանրաքվեի արդյունքները չվերանայվեն: Այս մասին, ինչպես հաղորդում է «ՌԻԱ Նովոստին», հայտարարել է կուսակցության փոխնախագահ Սելին Սայեք Բյոքեն:
Չորեքշաբթի Թուրքիայի բարձրագույն ընտրական խորհուրդը կքննի սահմանադրական հանրաքվեի արդյունքների վերաբերյալ բողոքները, այդ թվում երկրի ընդդիմադիր Ժողովրդահանրապետական կուսակցության՝ հանրաքվեին արդյունքները չեղարկելու մասին բողոքը: Քրդամետ ԺԺԿ-ն դատարան է դիմել Բարձրագույն ընտրական խորհրդին քրեական պատասխանատվության ենթարկվելու հայցով՝ կապված «հանրաքվեի ընթացքում թույլատրված անօրինականությունների հետ»:
«Մենք չենք ընդունում հանրաքվեի արդյունքները: Դրանք պետք է վերանայվեն: Մեր կուսակցությունը դրա համար կանի մեր ուժերի սահմաններում ամեն բան, այդ թվում, եթե հարկ լինի, կարող ենք դիտարկել խորհրդարանից դուրս գալու տարբերակը»,- ասել է Բյոքեն լրագրողներին:
Հանրաքվեի վերջնական արդյունքները կհրապարակվեն ապրիլի 27-28-ին: Նախնական տվյալներով՝ սահմանադրական բարեփոխումներին այո է ասել բնակչության 51,4 տոկոսը:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
