Լրահոս
Օրվա լրահոսը

Հայաստանի չորս մարմնամարզիկներ Եվրոպայի առաջնությունում կպայքարեն մեդալների համար

Ապրիլ 20,2017 10:35

Ռումինիայի Կլուժ-Նապոկա քաղաքում մեկնարկած սպորտային մարմնամարզության Եվրոպայի առաջնությունում նոր կանոնների կիրառման հետեւանքով, համեմատած նախորդների հետ, մեդալների համար պայքարն անհամեմատ դժվարացել է:

Դեռ մրցավայր մեկնելուց առաջ Հայաստանի ազգային հավաքականի գլխավոր մարզիչ Հակոբ Սերոբյանն այս մասին հայտարարել էր լրագրողներին՝ ասելով, որ այս ժամանակահատվածում անգամ եզրափակիչ անցնելը տղաների համար կարելի է հաջողություն համարել: Սակայն Եվրոպայի առաջնությունում մեր մարմնամարզիկների մեկնարկն ավելի քան հաջող է ստացվել:

Մրցավայրից Aravot.am-ի հետ զրույցում մարզիչը տեղեկացրեց, որ Հայաստանի հավաքականի չորս անդամներ հաղթահարել են որակավորման փուլը եւ եզրափակչում են. առանձին գործիքների վրա մեդալների համար պայքարը շարունակում են ութ լավագույնները, իսկ բազմամարտում՝ 24-ը:

Նժույգ թափերում Հարություն Մերդինյանը ցույց է տվել չորրորդ արդյունքը, օղակներում՝ Արթուր Թովմասյանն ու Վահագն Դավթյանը, համապատասխանաբար, երկրորդը եւ չորրորդը, հենացատկում՝ Արթուր Դավթյանը վեցերորդը: Արթուր Դավթյանը ութերորդն է եղել նաեւ բազմամարտում եւ այստեղ էլ պայքարը շարունակելու իրավունք է նվաճել:

Վաղը կկայանա բազմամարտի, ապրիլի 22-ին՝ նժույգ թափերի եւ օղակների, իսկ հաջորդ օրը՝ հենացատկի եզրափակիչը:

Աշոտ ՀԱԿՈԲՅԱՆ

Լուսանկարը՝ Արթուր Դավթյանի ՖԲ էջի

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Ապրիլ 2017
Երկ Երե Չոր Հնգ Ուրբ Շաբ Կիր
« Մար   Մայիս »
 12
3456789
10111213141516
17181920212223
24252627282930