Լրահոս
Օրվա լրահոսը

Էիլաթը կարողանում է Հին Աշխարհը կապակցել 20-րդ դարին. (Ֆոտոշարք)

Ապրիլ 20,2017 22:35

Ապրիլի 20-ին «Աշխատանք և հիշողություն» ընդհանուր խորագրի ներքո Կարոյան ցուցասրահը ներկայացրեց իսրայելցի նկարիչ Ավրահամ Էիլաթի 4 տարբեր գործերի ցուցադրությունները:

Առաջին՝ «Հիշողության կղզիներ», ցուցահանդեսը ՀայԱրտ մշակութային կենտրոնում էր: Այն իրենից ներկայացնում էր 24 մետր երկարությամբ գալարաձև ստվարաթղթի վրա գծանկարների շարք: Այս գծանկարի հիմնական ֆիգուրը գանգն էր, որը շարունակ տարբեր ձևերով կրկնվում էր:

Մյուս՝ «Երկյուղն այն բանից, որ հանկարծ լինի շատ ուշ» գծանկարային պատկերների շարքը և պերֆորմանսների ցուցադրությունները ժամանակակից արվեստի թանգարանում էին.

«Էիլաթի գործերում հաճախակի հանդիպող ֆիգուրը աշխատավոր մարդն է զանազան իրավիճակներում և հանգամանքներում: Արվեստագետը ցանկացել է ցույց տալ, որ առանց աշխատանքի մարդ գոյություն ունենալ չի կարող: Նրա աշխատանքներում մենք տեսնում ենք աշխատող մարդուն, որը ստեղծում է որոշակի սոցիալական իրադրություն, այնուհետև հասարակարգ, իշխանություն, որին հաջորդում է բռնությունը, ուժը և դիմադրությունը: Եվ այս ամենի արդյունքում տեսնում ենք նաև վերոնշյալ երևույթների փլուզումը: Էիլաթը կարողանում է մեծ հմտությամբ և արվեստով Հին Աշխարհը կապակցել 20-րդ դարին»,-արվեստագետի աշխատանքների մասին պատմեց համադրող Նազարեթ Կարոյանը:

Նշենք, որ Ավրահամ Էիլաթի ցուցահանդեսի երրորդ մասը լինելու է վաղը Դալան Արտ ցուցասրահում:

Լիլի ԽԱՉԱՏՐՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Ամենաընթերցված

Օրացույց
Ապրիլ 2017
Երկ Երե Չոր Հնգ Ուրբ Շաբ Կիր
« Մար   Մայիս »
 12
3456789
10111213141516
17181920212223
24252627282930