Սահմանադրական դատարանը մերժել է խորհրդարանական ընտրություններում դիտորդական առաքելություն իրականացրած «Քաղաքացի դիտորդ» նախաձեռնության, քաղաքացիների, ՀԿ-ների դիմումը: «Ազատություն» ռ/կ-ի եթերում հայտարարեց նախաձեռնության անդամ, փաստաբան Տիգրան Եգորյանը:
Հիշեցնենք, որ սահմանադրական դատարանից նախաձեռնությունը պահանջում էր անվավեր ճանաչել խորհրդարանական ընտրությունների արդյունքները:
«Սահմանադրական դատարանը մերժել է, վերադարձրել է՝ համարելով, որ «Քաղաքացի դիտորդ» նախաձեռնության շրջանակում ներկայացված սուբյեկտները չեն հանդիսանում ՍԴ դիմելու իրավասություն ունեցող սուբյեկտներ», ասել է Տ. Եգորյանը:
Նրա խոսքով, Դատարանի աշխատակարգային որոշումը բողոքարկել են, սահմանված կարգով դիմել են ՍԴ նախագահին՝ խնդրելով, հարցը քննության հանձնել դատական կազմին:
