Լրահոս
Օրվա լրահոսը

Ծառուկյանի ընկերների խոստացած 15 մլրդը կմնա մյուս ընտրությանը. Ծառուկյանը՝ իր ընդդիմադիր լինելու մասին (Տեսանյութ)

Ապրիլ 24,2017 14:51

Այսօր Ծիծեռնակաբերդում Գագիկ Ծառուկյանը լրագրողների հետ կարճ զրույց ունեցավ, որից հետո նրան էր սպասում «փող ուզողների», «Հիսուսի նկար ծախողների» մի հսկա բանակ, որոնց ոստիկանության ներկայացուցիչները հազիվ էին կարողանում հետ պահել:

Լրագրողների հետ զրույցում հարցին՝ դուք ընդդիմությո՞ւն եք, իշխանության հետ կոալիցիա չե՞ք կազմելու, Գագիկ Ծառուկյանը պատասխանեց. «Հիմա տեսա՞ք, որ ընդդիմություն ենք՝ այո՞, թե՞ ոչ: Ընդդիմությունը միայն ցեխ շպրտելը չի, պետք է կարողանան մարդիկ գործ կատարեն, որ մարդկանց կյանքում բան փոխվի, ձեր ցավը տանեմ: Ձեր բնավորությանը թարգ տվեք: Ամենակարեւորը՝ բոլորդ այս երկրում եք ապրում, ցեխ շպրտելով, մարդկանց վիրավորելով՝ ոչ երկիր եք կառուցում, ոչ էլ ժողովրդի համար բարեկեցիկ կյանք եք ապահովում»:

Երբ ճշտեցին՝ իշխանության հետ կոալիցիա չե՞ք կազմում՝ նա արձագանքեց. «Ի՞նչ եք ասում»:

Մենք հետաքրքրվեցինք՝ ձեր ընկերների խոստացած 15 մլրդ դոլարի ներդրումը լինելո՞ւ է՝ Գագիկ Ծառուկյանը պատասխանեց. «Սիրելի լրագրողներ, ես ձեզ ասեցի՝ երբ որ Ծառուկյան դաշինքը կտաներ 50+1, այդ ներդրումները անմիջապես կլիներ: Դուք տեսաք եւ երաշխավորները, եւ ամբողջ աշխարհում իմ գործընկերները: Դա դեռ մեկն էր: Բոլորն էլ ցանկանում են, բայց, ասենք, ես երաշխիք չունեմ այդ պատասխանատվության տակ մտնելու: Մեր հարգարժան ժողովուրդն էլ մեզ տվեց 30 տոկոս, 29 տոկոս, դա կմնա արդեն մյուս ընտրությանը»:

Հռիփսիմե ՋԵԲԵՋՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Ապրիլ 2017
Երկ Երե Չոր Հնգ Ուրբ Շաբ Կիր
« Մար   Մայիս »
 12
3456789
10111213141516
17181920212223
24252627282930