«Թուրքիայի ԱԳՆ կայքում խոսվում է զոհերի, «տխրահռչակ դեպքերի» մասին, բայց նշվում է՝ ոչնչացնելու հատուկ մտադրություն չկար, հետեւաբար՝ արարքը չի կարող որակվել որպես ցեղասպանություն»,-«Հայելի» մամուլի ակումբում այսօր անդրադառնալով Հայոց ցեղասպանության հանդեպ Թուրքիայի ժխտողական քաղաքականությանը՝ ասաց միջազգային իրավունքի փորձագետ Վլադիմիր Վարդանյանը:
«Մենք էլ երեւի թե պետք է կենտրոնանանք այն հարցի վրա, որ ոչնչացնելու մտադրությունը ոչ մեկի մոտ կասկած կհարուցի»,-նկատեց նա:
Վարդանյանը հայտնեց, որ Հայոց ցեղասպանության իրավական շերտն ուսումնասիրելու ուղղությամբ վերջին շրջանում ուշագրավ ուսումնասիրություններ են կատարվել, բայց խնդիրն այլ ոլորտում է. «ՄԱԿ-ի միջազգային դատարան եւ այլ ատյաններ դիմելու հեռանկարները խնդրահարույց են, քանի որ ըստ միջազգային իրավունքի՝ չես կարող պետությանը պատժել, այլ կարող ես կանչել պատասխանատվության, եթե վերջինս տվել է համաձայնություն»:
Ըստ փորձագետի՝ վերոնշյալը չի նշանակում, թե այլ միջազգային ատյաններ առանձին հայցով հնարավոր չէ դիմել, բայց Թուրքիան էլ պետք է համաձայն լինի դրան, ինչն այս պահին իրատեսական չէ:
Կարդացեք նաև
Մանրամասն՝ տեսանյութում:
Լուիզա ՍՈՒՔԻԱՍՅԱՆ
