Լրահոս
Օրվա լրահոսը

Իջեւանցի «Ամենախելացիի» եւ նրա դասընկերուհիների հաջողությունները ՝ օլիմպիադաներում

Ապրիլ 26,2017 22:45

Իջեւանցի դպրոցականներն այս տարի տարբեր առարկաների հանրապետական օլիմպիադաներում հաջողությունների են հասել: Իջեւանի ավագ դպրոցի աշակերտներ Արման Բայրամյանը,Անի Մարգարյանը, Գոհար Մխիթարյանը եւ Էդիտա Օթարյանը օլիմպիադաներից վերադարձել են 1-3 րդ կարգի դիպլոմներով եւ գովասանագրերով:

Արման Բայրամյանը համակողմանի գիտելիքներ ունի, տարբեր տարիներին նա ֆիզիկայից 2-րդ կարգի դիպլոմի է արժանացել,3-րդ կարգի դիպլոմի՝ աշխարհագրությունից, 1-ին կարգի դիպլոմի՝ հայոց լեզվից: Նա 2016թ. դարձել է «Ամենախելացին« հեռուստախաղի հաղթող:

Այս տարի Անի Մարգարյանը առաջին կարգի դիպլոմ է ստացել լավագույն ստեղծագործական աշխատանքի համար, Գոհար Մխիթարյանը «հայոց լեզու եւ գրականություն» առարկայից 3-րդ կարգի դիպլոմի է արժանացել, Էդիտա Օթարյանը նույն առարկայից ՝ գովասանագիր:

Ապրիլի 26-ին Իջևանի քաղաքապետ Վարդան Ղալումյանն ընդունելով եւ շնորհավորելով առարկայական օլիմպիադաներում հաջողության հասած դպրոցականներին, քաղաքապետարանի կողմից նրանց դրամական պարգեւներ է հանձնել:

Վ. Ղալումյանը մաղթելով նոր հաջողություններ, նշել է,որ այսօր, առավել քան երբեւէ, մեր երկրին անհրաժեշտ է կիրթ, խելացի եւ ուժեղ սերունդ: Դպրոցականներն իրենց հանդեպ ցուցաբերած ուշադրության համար շնորհակալություն են հայտնել քաղաքապետին:

Ոսկան ՍԱՐԳՍՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Ամենաընթերցված

Օրացույց
Ապրիլ 2017
Երկ Երե Չոր Հնգ Ուրբ Շաբ Կիր
« Մար   Մայիս »
 12
3456789
10111213141516
17181920212223
24252627282930