Եվրոպայի խորհրդի Խորհրդարանական վեհաժողովից (ԵԽԽՎ) դիտորդական առաքելություն իրականացրած պատգամավորները Ստրասբուրգում մի շարք մանրամասներ ներկայացրին իրենց` Հայաստան այցի եւ արձանագրած խախտումների վերաբերյալ: Իտալացի պատվիրակ Ադել Գամբարոյից հետաքրքրվեցինք` ինչպե՞ս է ստացվում, որ դիտորդները խոսում են մի շարք խախտումների մասին, բայց ԵԽԽՎ դիտորդական առաքելության պաշտոնական հայտարարության առաջին հատվածում ամրագրված էր, որ «Հայաստանում ընտրություններն անցկացվել են մարդու իրավունքների եւ հիմնարար ազատությունների պահպանմամբ»:
Տիկին Գամբարոն պատասխանեց. «Զեկույցում նշված են նաեւ թերությունների մասին, այն բոլոր խախտումների մասին, որոնք գրանցվել են ՀՀ-ում խորհրդարանական ընտրությունների ընթացքում: Կարծում եմ, որ զեկույցը լավագույնը չէ եւ լուրջ փոփոխությունների պետք է ենթարկվի: Մենք բազմաթիվ խախտումների ականատես ենք եղել: Մանավանդ այլ երկրների հետ համեմատած` Հայաստանում մենք ավելի շատ խախտումների ականատես եղանք: Ես եղել եմ Մոնտենեգրոյում, Մարոկկոյում, Թունիսում, սակայն այսքան խախտումներ չենք արձանագրել»:
Կարդացեք նաև
«Առավոտ»
28,04.2017
