Ինչպես ավելի վաղ հայտնել էինք, ՅՈՒՆԵՍԿՕ-ի գլխավոր տնօրենի պաշտոնին հավակնող Ադրբեջանը ներկայացնող Փոլադ Բյուլբյուլօղլուն, որը ներկայում ՌԴ-ում Ադրբեջանի դեսպանն է, ապրիլի 27-ին Ֆրանսիայում կայացած թեկնածուների լսումների նիստի ժամանակ խայտառակ իրավիճակում էր հայտնվել՝ չկարողանալով խոսել անգլերեն, նիստի մասնակիցների հարցերին ոչ պատշաճ կերպով պատասխանելով: Թեման այսօր քննարկվում էր «Բլից Ինֆո» մամուլի ակումբում:
«Հանուն կայուն մարդկային զարգացման» հ/կ նախագահ Կարինե Դանիելյանը կարծիք հայտնեց, որ Բյուլբյուլօղլուն անհամատեղելի է այդ կառույցի ղեկավարի պաշտոնի հետ եւ կարող է ՀՀ-ի համար խիստ վտանգավոր լինել: Կարինե Դանիելյանն, այնուամենայնիվ, նշեց, որ ոչ պաշտոնական տվյալներով՝ առաջադրվածների թվում Չինաստանի ներկայացուցիչն է ֆավորիտը:
ՀՀ արտակարգ եւ լիազոր դեսպան Արման Նավասարդյանը նկատեց, որ Ադրբեջանի դեսպանի ելույթը ֆինանսների վրա էր հիմնված՝ որտեղի՞ց եւ ինչպե՞ս փող բերել. «Ուգանդայի ներկայացուցիչը հարց տվեց՝ փողից բացի այլ հարց չկա՞…Այնուամենայնիվ, կարծում եմ՝ եթե Բյուլբյուլօղլուն ընտրվի, դժվար թե կարողանա աշխատել, քանի որ ՅՈՒՆԵՍԿՕ-ի աշխատանքային նիստերը երկու լեզվով են անցկացվում՝ անգլերեն եւ ֆրանսերեն: Իսկ նա չգիտի անգլերեն»:
Կարդացեք նաև
Նավասարդյանը մեկ այլ զավեշտ նկատեց՝ Բյուլբյուլօղլուն նիստի ժամանակ շշից է ջուր խմել, ինչից բոլորը զարմացել են: «Պատկերացնո՞ւմ եք՝ ես հիմա շշից խմեմ»,-կատակեց դեսպանը:
Լուիզա ՍՈՒՔԻԱՍՅԱՆ
Իմ կարծիքով Բյուլբյուլօղլին կանցնի: Եվրոպական արդարության ամենացայտուն օրինակը Սաֆարովն է: Փոլադը նրանց խավիար ու թառափ կտանի, մուղամ կերգի, Իրանին դեմ կխոսի: էնքան բան կարող է անել Փոլադը, դուք նույնիսկ չեք էլ պատկերացնում: