Ազատամարտիկ Սուրեն Սարգսյանն «Առավոտի» հետ զրույցում անդրադառնալով ՍԴ-ում «Կոնգրես-ՀԺԿ»-ի` խորհրդարանական ընտրությունների արդյունքները վիճարկելու գործընթացին, մի հումոր պատմեց. «Մեկը գալիս եղբորը բողոքում է, թե՝ թաղի խուժաններն ինձ ծեծել են: Եղբայրը գնում է, ասում է` դո՞ւք եք ծեծել: Ասում են` հա, այ լակոտ: Ասում ա՝ ախպեր ջան, դու ճիշտ էիր, սրանք խուժան են, արի հետ գնանք»:
Սուրեն Սարգսյանը տարակուսում է. «Դուք չգիտեի՞ք, որ հանցագործ են: Որ 4+4+4 էիք անում, չգիտեի՞ք, որ դա չի կարող փոխվել»: Ինքը կարծում է, որ «ժողովրդին պարզապես հոգնեցրին», ժողովուրդն էլ չվստահեց ոչ ոքի, գնաց առեւտրի: «Հասարակությանը մեղադրողը, ժողովրդին համբալ ասողն ինքն իր ազգուտակով է համբալ: Հասարակությունը համբալ չի կարող լինել, հասարակությունն ունենում է համբալ քաղաքական առաջնորդներ, ովքեր այս կամ այն ժամանակաշրջանում խաբում են հասարակությանը: Հասարակությունն էլ խաբված` գնում է առեւտրի: Կտեսնի՞ հասարակությունն իր առաջնորդին, ընտրություն կլինի»:
Կարդացեք նաև
«Առավոտ»
29,04.2017
